ວັນທີ 6 ເມສານີ້, ສູນຈີນ-ອາຊຽນໄດ້ຈັດຕັ້ງ "ການປາຖະກະຖາຂອງເອກອັກຄະລັດຖະທູດອາຊຽນແລະຈີນ" ຊຸດທີ 8 ຢູ່ມະຫາວິທະຍາໄລຊິ່ງໄຫເມືອງຊີ່ນິງແຂວງຊິ່ງໄຫ ສປ ຈີນ ແລະໃນໂອກາດດັ່ງກ່າວ, ທ່ານ ໂຊວເກິງ ຣາຮັດໂຈ ເອກອັກຄະລັດຖະທູດອິນໂດເນເຊຍປະຈຳຈີນໄດ້ກ່າວໃນຫົວຂໍ້ "ອິນໂດເນເຊຍ,ອາຊຽນແລະຈີນ: ເພີ່ມທະວີການຮ່ວມມືດ້ານຍຸດທະສາດ,ຊຸກຍູ້ສັນຕິພາບແລະສະຖຽນລະພາບຂອງພາກພື້ນ".
ທ່ານ ໂຊວເກິງ ກ່າວວ່າ: ອິນໂດເນເຊຍຍິນດີເພີ່ມກຳລັງແຮງໃໝ່ເຂົ້າໃນການພັດທະນາຂອງຈີນ ແລະ ຄວາມຈະເລີນຮຸ່ງເຮືອງແລະສະຖຽນລະພາບຂອງພາກພື້ນນີ້. ຂະນະດຽວກັນກໍຈະສືບຕໍ່ຈັດຕັ້ງປະຕິບັດຫຼັກການສະເໝີພາບ,ຕ່າງຝ່າຍຕ່າງມີຜົນປະໂຫຍດແລະເຄົາລົບເຊິ່ງກັນແລະກັນ, ເພີ່ມທະວີການພົວພັນຄູ່ຮ່ວມກັບຈີນ ເພື່ອບັນລຸການພັດທະນາຮ່ວມກັນ. ປີນີ້ແມ່ນປີຄົບຮອບ 50 ປີແຫ່ງການສ້າງຕັ້ງອາຊຽນໂດຍອາຊຽນຖືການພັດທະນາສາຍພົວພັນຄູ່ຮ່ວມກັບຈີນເປັນບຸລິມະສິດທີ່ສຳຄັນ, ພາຍໃຕ້ສະຖານະການໃໝ່, ປະຊາຊົນຈີນແລະອາຊຽນໂດຍສະເພາະຊາວໜຸ່ມຮຸ່ນໃໝ່ ຄວນຮັດແໜ້ນການໄປມາຫາສູ່ກັນຕື່ມອີກ,ເພີ່ມທະວີການຖອດຖອນບົດຮຽນ,ສ້າງຄວາມເຂົ້າໃຈແລະຄວາມໄວ້ເນື້ອເຊື່ອໃຈຕໍ່ກັນ ເພື່ອຊຸກຍູ້ການພົວພັນລະຫວ່າງສອງຝ່າຍໃຫ້ພັດທະນາກ້າວເຂົ້າສູ່ລວງເລິກຢ່າງຍາວນານ.