ຮັບສະໝັກເໜືອປະລິນຍາເອກອີກ! ເພື່ອນມິດລາວມາຕ້ອງຕິດຕາມ!

ກ່ອນໜ້ານີ້ສອງມື້, CRI ໄດ້ເປີດຮັບສະໝັກນັກສຶກສາຜູ້ຈົບເໜືອປະລິນຍາເອກ ແຕ່ສຳລັບມື້ນີ້, ມະຫາວິທະຍາໄລວິທະຍາສາດແລະເຕັກໂນໂລຊີຄຸນມິງໄດ້ເປີດຮັບສະໝັກນັກສຶກສາມາສຶກສາຕໍ່ຊັ້ນເໜືອປະລິນຍາເອກ. ໂອໂຫ, ດຽວນີ້ ເໜືອປະລິນຍາເອກກາຍເປັນມາດຖານສຳລັບນັກສຶກສາແລ້ວຫວະ? ບັນນາທິການບໍ່ເຄີຍຮູ້ສຶກນ້ອຍໃຈຂະໜາດນີ້ຈັກເທື່ອ, ແຕ່ພັດຮູ້ສຶກວ່າເປັນຄວາມໂຊກດີຫຼາຍທີ່ໄດ້ມືນຕາເບິ່ງໂລກໜ່ວຍນີ້ມາກ່ອນຫຼາຍປີ. ເອົາເປັນວ່າ, ກັບມາເວົ້າເລື່ອງທາງການດີກວ່າ, ຢ້ານຫົວໜ້າ CRI ເພິ່ນຊິບໍ່ເຫັນບັນນາທິການວ່າດຸໝັ່ນຂະໜາດໃດ, ຊັ້ນປະລິນຍາບໍ່ສູງກະຊິເປັນຫຍັງເນາະ!

ມະຫາວິທະຍາໄລວິທະຍາສາດແລະເຕັກໂນໂລຊີຄຸນມິງເປີດຮັບສະໝັກນັກສຶກສາມາສຶກສາຕໍ່ເໜືອປະລິນຍາເອກ.
ມະຫາວິທະຍາໄລວິທະຍາສາດແລະເຕັກໂນໂລຊີຄຸນມິງເປີດຮັບສະໝັກນັກສຶກສາມາສຶກສາຕໍ່ເໜືອປະລິນຍາເອກ.
ມະຫາວິທະຍາໄລວິທະຍາສາດແລະເຕັກໂນໂລຊີຄຸນມິງເປີດຮັບສະໝັກນັກສຶກສາມາສຶກສາຕໍ່ເໜືອປະລິນຍາເອກ.
ຮ່າໆ, ເລື່ອງສຳຄັນແນວນີ້ ຕ້ອງເວົ້າສາມເທື່ອໄດ໋!
I, ທິດທາງການຄົ້ນຄວ້າ
ການຄຸ້ມຄອງລັດຖະບານ, ການຄຸ້ມຄອງວິທະຍາ ຫຼື ການພົວພັນລະຫວ່າງຊາດ.
II, ເງື່ອນໄຂ
ສັນຊາດລາວ, ອາຍຸບໍ່ກາຍ 35 ປີ, ຈົບປະລິຍາເອກ, ຮູ້ພາສາອັງກິດເປັນຢ່າງດີ. ເຈົ້າໜ້າທີ່ຂອງກະຊວງຫຼືຄະນະກຳມະການທຽບເທົ່າ, ສະຖາບັນ ຫຼືມະຫາວິທະຍາໄລຂອງລາວ ຈະໃຫ້ບຸລິມະສິດ. ຜູ້ຮູ້ພາສາຈີນ ຈະໃຫ້ບຸລິມະສິດເປັນພິເສດ;
ເຄົາລົບຂໍ້ກຳນົດກົດໝາຍ, ບໍ່ເຄີຍກະທຳຜິດ, ມີສຸຂະພາບແຂງແຮງ;
ຫຼັກສູດການຮຽນສາມປີ. ສາມາດປຶກສາກັບອາຈານແລະຕົກລົງກັນໄດ້ວ່າ ຈະຮຽນຫຼັກສູດໝົດມື້ຫຼືບໍ່;
ຄວາມສາມາດການຄົ້ນຄວ້າ: ບົດຄວາມ CSSCI ຫຼື SSCI ບົດໜຶ່ງຕໍ່ປີ
III, ເງິນເດືອນແລະເງິນອຸດໜູນ
ເງິນເດືອນ: 139.000 ຢວນຕໍ່ປີ
ເງິນອຸດໜູນຄ່າເຊົ່າເຮືອນ: 12.000 ຢວນຕໍ່ປີ
ການຈັດກິດຈະກຳວິຊາການ: 40.000 ຢວນ
ມີປະກັນໄພ (ປິ່ນປົວ, ບາດເຈັບໃນຍາມເຮັດວຽກ) ໂດຍຕາມການກຳນົດທີ່ກ່ຽວຂ້ອງ
ສີ່. ເອກະສານສະໝັກ

ຕາຕະລາງເອກະສານສະໝັກເໜືອປະລິນຍາເອກເຂົ້າປະຈຳມະຫາວິທະຍາໄລວິທະຍາສາດ-ເຕັກໂນໂລຢີຄຸນມິງ
ເລກລຳດັບ	ຊື່ເອກະສານ	ຈຳນວນ	ໝາຍເຫດ
1	ໜັງສືຜ່ານແດນສະບັບກ໋ອບປີຂອງຜູ້ສະໝັກ	2
2	ໃບຢັ້ນຢືນປະລິນຍາເອກສະບັບກ໋ອບປີ	2
3	ໃບຢັ້ນຢືນປະລິນຍາເອກສະບັບພາສາຈີນ(ຕ້ອງມີລາຍເຊັນຂອງອາຈານ)	2
4	ຕາລະລາງກວດສຸຂະພາບ	1	ຜົນການກວດກາສຸຂະພາບໃນ ເວລາ 3 ເດືອນຜ່ານມາ
5	ໃບສະເໜີຈາກຜູ້ຊ່ຽວຊານລະດັບ ສາສະດາຈານສອງທ່ານ	1	ໃນນີ້ມີຜູ້ໜຶ່ງຄວນເປັນອາຈານສອນ ປະລິນຍາເອກຂອງຜູ້ສະໝັກ
6	ຕາລະລາງກວດກາເຂົ້າ ປະຈຳເໜືອປະລິນຍາເອກ	1
7	ຕາຕະລາງສະໝັກຮຽນເໜືອປະລິນຍາເອກ	2	ຂຽນຂໍ້ມູນຢູ່ເວັບໄຊເໜືອປະລິນ ຍາເອກຈີນທາງອິນເຕີເນັດແລ້ວພິມ ອອກມາ

ເວັບໄຊເໜືອປະລິນຍາເອກຈີນ: http://www.chinapostdoctor.org.cn
E-mail: 1638724755@qq.com
ເລກໂທ: 0086 13529271996
ຖ້າວ່າທ່ານໄດ້ຜ່ານການກວດກາ, ທ່ານຈະຮຽນນຳ

ທ່ານນາງເວີນຊູ່ຮຸ້ຍ ສາສະດາຈານ, ອາຈານສອນເໜືອປະລິນຍາເອກ ຈາກວິທະຍາໄລການປົກຄອງແລະ
ເສດຖະສາດມະຫາວິທະຍາໄລວິທະຍາສາດເຕັກໂນໂລຊີຄຸນໝິງ, ໄດ້ດຳເນີນການຄົ້ນຄວ້າການວາງແຜນ
ພັດທະນາພາກພື້ນ ລວມທັງນະໂຍບາຍການຍົກລະດັບການພັດທະນາອຸດສາຫະກຳ, ການຮ່ວມມືດ້ານເສດ
ຖະກິດສາກົນ ແລະການເຊື່ອມໂຍງເຂົ້າກັນ ໂດຍເນັ້ນ ໜຶ່ງຄື ຄົ້ນຄວ້າການພັດທະນາພາກພື້ນແລະອຸດສາ
ຫະກຳ ແລະ 2, ການຄ້າສາກົນແລະການທະນາຄານສາກົນ. ປັດຈຸບັນ, ມະຫາວິທະຍາໄລດັ່ງກ່າວໄດ້ປະ
ກາດຮັບນັກສຶກສາເໜືອປະລິນຍາເອກໃນພາກພື້ນ GMS ເຊິ່ງຜູ້ສະເໜີຕ້ອງມີເງື່ອນໄຂດັ່ງນີ້: ມີຄຸນສົມບັດ
ດີ, ຮຽນເກັ່ງ, ສຸຂະພາບແຂງແຮງ, ມີອາຍຸຕ່ຳກວ່າ 35 ປີ. ມີອຸດົມການຄົ້ນຄວ້າວິທະຍາສາດແລະມີທິດທາງ
ຄົ້ນຄວ້າທີ່ຈະແຈ້ງ ແລະເປັນເອກະພາບກັບອາຈານ. ມີອາຍຸການເຮັດວຽກປະມານ 3 ປີ. ໃນໄລຍະສຶກສາ,
ນັກສຶກສາເໜືອປະລິນຍາເອກຈະໄດ້ຮັບເງິນເດືອນ 1 ແສນ 3 ໝື່ນ 9 ພັນຢວນຕໍ່ປີ, ເງິນອຸດໜູນຄ່າເຊົ່າ
ເຮືອນ 1 ໝື່ນ 2 ພັນຢວນຕໍ່ປີ, ຄ່າຄົ້ນຄວ້າວິຊາການ 4 ໝື່ນຢວນ ແລະມີປະກັນການປິ່ນປົວ. ຜູ້ທີ່ປະສົງ
ສະເໜີເປັນນັກສຶກສາເໜືອປະລິນຍາເອກໃຫ້ສົ່ງຂໍ້ມູນຕາມແບບຟອມມາທາງອີເມວ: swen33@163.com

ຫາກໄດ້ໃບຮັບຮອງກໍຈະໄດ້ຮຽນຢູ່ມະຫາວິທະຍາໄລດັ່ງນີ້

ມະຫາວິທະຍາໄລວິທະຍາສາດແລະເຕັກໂນໂລຊີຄຸນມິງຕັ້ງຢູ່ເມືອງຄຸນມິງແຂວງຢຸນນານ ສປ ຈີນ ມີຊາຍແດນຕິດກັບສປປ ລາວ ເຊິ່ງມີປະຫວັດຍາວນານໂດຍສ້າງຕັ້ງຂຶ້ນເມື່ອປີ 1954 ແລະເປັນມະຫາວິທະຍາໄລສັງລວມຫຼາຍຂະແໜງວິຊາພັດທະນາປະສົມກົມກຽວກັນເປັນຕົ້ນ ເສດຖະກິດ,ການບໍລິຫານ,ວັນນະຄະດີລວມເຖິງສິລະປະກຳ,ກົດໝາຍ,ການສຶກສາ,ປັດຊະຍ,ແພດສາດແລະອື່ນໆ ໃນນີ້ສ່ວນໃຫຍ່ເປັນຂະແໜງວິຊາວິສະວະກຳ ທັງປະສານສົມທົບກັບຂະແໜງວິຊາເຕັກໂນໂລຊີ.

ຫໍສະໝຸດມະຫາວິທະຍາໄລວິທະຍາສາດແລະເຕັກໂນໂລຊີຄຸນມິງ ໄດ້ຮັບລາງວັນລູປ່ານ ເຊິ່ງເປັນລາງວັນສູງສຸດໃນຂະແໜງສະຖາປັດຕະຍະກຳຂອງຈີນ.

ທິວທັດທີ່ສວຍງາມຂອງມະຫາວິທະຍາໄລວິທະຍາສາດແລະເຕັກໂນໂລຊີຄຸນມິງ

ມະຫາວິທະຍາໄລວິທະຍາສາດແລະເຕັກໂນໂລຊີຄຸນມິງທີ່ສວຍສົດງົດງາມແລະມີຊີວິດຊີວາໃນຍາມລະດູໃບໄມ້ປົ່ງ

ນັກສຶກສາທີ່ໜຸ່ມແໜ້ນແຈ່ມໃສຂອງມະຫາວິທະຍາໄລວິທະຍາສາດແລະເຕັກໂນໂລຊີຄຸນມິງ

ຫາກທ່ານໄດ້ໃບຮັບຮອງ, ທ່ານອາດຈະໂຊກດີໂດຍການມີໂອກາດຮູ້ຈັກກັບນາງງາມປະຈຳມະຫາວິທະຍາໄລວິທະຍາສາດແລະເຕັກໂນໂລຊີຄຸນມິງ ຄືນາງເມີ້ງຢາວ ນັກສຶກສາຮຸ່ນປີ 2013, ຫຸ່ນງາມຂາສ້ວຍ ແລະເປັນຄົນມັກຟ້ອນແລະເຕັ້ນ ເຊິ່ງສາມາດດຶງດູດສາຍຕາໄດ້ເປັນຢ່າງດີ.

ຄວາມຈິງແລ້ວຜ່ານມາ, ຜູ້ຂຽນ(ບັນນາທິການCRI)ເອງກໍບໍ່ເຄີຍໄປມະຫາວິທະຍາໄລວິທະຍາສາດແລະເຕັກໂນໂລຊີຄຸນມິງ ແລະກໍບໍ່ຮູ້ວ່າ ນາງງາມປະຈຳມະຫາວິທະຍາໄລດັ່ງກ່າວແມ່ນເລື່ອງແທ້ຫຼືບໍ່. ພາຍຫຼັງປະກາດຮັບສະໝັກນັກສຶກສາຕໍ່ເໜືອປະລິນຍາເອກຈຶ່ງເປັນຂ່າວຈິງແລ້ວ, ດ້ານອື່ນແມ່ນຜູ້ຂຽນໄດ້ມາຈາກອິນເຕີເນັດ. ຫາກຜິດພາດປະການໃດ, ກໍຂໍອະໄພ ຜູ້ອ່ານທຸກທ່ານແລະໃຫ້ເຫັນໃຈຜູ້ຂຽນທີ່ຊອກຫາຂໍ້ມູນດ້ວຍຄວາມຫວັງດີແລະດ້ວຍຄວາມເອົາໃຈໃສ່, ຂໍໃຫ້ທ່ານຈົ່ງຕຳໜິຕິຊົມບົດຂຽນບົດນີ້,ຂໍຂອບໃຈ.ເພື່ອນມິດຄົນລາວທ່ານໃດທີ່ມີເງື່ອນໄຂຖືກຕ້ອງຄົບຖ້ວນຕາມໃບປະກາດການຮັບສະໝັກນັກສຶກສາຕໍ່ເໜືອປະລິນຍາເອກ ດັ່ງທີ່ກ່າວມາຂ້າງເທິງນັ້ນ, ກໍຂໍໃຫ້ສະໝັກໄວໆເດີເພາະໃນອີກບໍ່ດົນຕໍ່ໜ້ານີ້ທ່ານຈະໄດ້ພິສູດດ້ວຍຕົນເອງ. ນັດພົບກັນຢູ່ມະຫາວິທະຍາໄລວິທະຍາສາດແລະເຕັກໂນໂລຊີຄຸນມິງເດີ.