ສະຫະພາບເອີລົບອອກມາປະກາດໃນວັນທີ 6 ເມສານີ້ວ່າ, ຈະປະຕິບັດມາດຕະການຂວ້ຳບາດ ສປປ ເກົາຫຼີອີກຄັ້ງໃໝ່, ໂດຍເປີດກວ້າງການຈຳກັດການລົງທຶນແລະບໍລິການຂອງ ສປປ ເກົາຫຼີ.
ຖະແຫຼງການທີ່ດັ່ງກ່າວລະບຸວ່າ, ສະຫະພາບເອີລົບໄດ້ຕົກລົງເປີດກວ້າງຫ້າມລົງທຶນຢູ່ ສປປ ເກົາຫຼີເປັນຕົ້ນລົງທຶນໃນຂະແໜງການອາວຸດ, ຫຼອມໂລຫະ, ການປຸງແຕ່ງໂລຫະ, ການບິນ, ການບິນອະວະກາດແລະອື່ນໆ. ຂະນະທີ່ສະຫະພາບເອີລົບໄດ້ເພີ່ມ 4 ບຸກຄົນເຂົ້າໃນບັນຊີຊື່ດຳໃນການຂວ້ຳບາດຄັ້ງນີ້, ສົ່ງຜົນເຮັດໃຫ້ຄົນ ສປປ ເກົາຫຼີທີ່ຖືກຈຳກັດການທ່ອງທ່ຽວແລະອາຍັດຊັບສິນເພີ່ມຂຶ້ນເປັນ 41 ຄົນ.
ຖະແຫຼງການລະບຸວ່າ, ການທີ່ສະຫະພາບເອີລົບເພີ່ມການຂວ້ຳບາດ ສປປ ເກົາຫຼີເນື່ອງຈາກເຫັນວ່າການກະທຳຂອງ ສປປ ເກົາຫຼີໄດ້ລະເມີດມະຕິຂອງສະພາຄວາມໝັ້ນຄົງອົງການສະຫະປະຊາຊາດຫຼາຍຂໍ້, ແລະເປັນໄພຂົ່ມຂູ່ຢ່າງໜັກໜ່ວງຕໍ່ສັນຕິພາບແລະສະຖຽນລະພາບຂອງພາກພື້ນແລະສາກົນ.