ຕາມຂ່າວCRI: ທ່ານນາງຮວາຊຸນຢິງ ໂຄສົກກະຊວງການຕ່າງປະເທດຈີນໄດ້ກ່າວໃນພິທີຖະແຫຼງຂ່າວທີ່ຈັດຂຶ້ນໃນວັນທີ 6 ເມສານີ້ວ່າ, ຈີນໄດ້ຮັກສາການຕິດຕໍ່ພົວພັນກັບຝຣັ່ງຫຼັງເກີດເຫດພົນລະເມືອງຂອງຕົນຖືກຕຳຫຼວດຝຣັ່ງຍິງເສຍຊີວິດ ລວມທັງຕິດຕາມຄວາມຄືບໜ້າຂອງເຫດການຢ່າງໃກ້ຊິດ ແລະທວງໃຫ້ເຈົ້າໜ້າທີ່ຝຣັ່ງແກ້ໄຂຢ່າງກົງໄກກົງມາ ເພື່ອປົກປ້ອງສິດແລະຜົນປະໂຫຍດຂອງພົນລະເມືອງຈີນຢູ່ປະເທດດັ່ງກ່າວ.
ທ່ານນາງຮວາຊຸນຢິງກ່າວຕື່ມວ່າ, ໃນໄລຍະມໍ່ໆມານີ້, ຈີນໄດ້ຮັກສາການຕິດຕໍ່ພົວພັນກັບຝຣັ່ງຕໍ່ກໍລະນີທີ່ພົນລະເມືອງປະເທດຕົນຖືກຕຳຫຼວດຝຣັ່ງຍິງເສຍຊີວິດຢ່ງໃກ້ຊິດ ໂດຍໄດ້ສະແດງຄວາມເປັນຫ່ວງຢ່າງຍິ່ງ ທັງຮຽກຮ້ອງໃຫ້ເຈົ້າໜ້າທີ່ຝຣັ່ງສືບສວນ ແລະເປີດເຜີຍຄວາມຈິງໂດຍໄວ ທັງຕອບສະໜອງຕາມຄວາມຮຽກຮ້ອງຂອງຄອບຄົວຜູ້ເສຍຊີວິດຢ່າງເໝາະສົມ. ແນວໃດກໍດີ, ເຈົ້າໜ້າທີ່ຝຣັ່ງກໍໄດ້ຢືນຢັນຕໍ່ຈີນວ່າ, ຈະສືບສວນສອບສວນເຫດການດັ່ງກ່າວຢ່າງຈິງຈັງ ແລະໃຫ້ສຳເລັດ ທັງຈະເປີດເຜີຍຜົນການສືບສວນໂດຍໄວ ແລະຮັບປະກັນຄວາມປອດໄພຂອງພົນລະເມືອງຈີນຢູ່ຝຣັ່ງເປັນຢ່າງດີ.
 |
