ຕາມຂ່າວສານຊິນຮວາ: ຫວ່າງມໍ່ໆມານີ້, ຕຳຫຼວດຊາຍແດນກິ່ງແຂວງປົກຄອງຕົນເອງເຜົ່າລື້ແລະເຜົ່າຈິງໂຜເຕີຫົງແຂວງຢຸນນານສາມາດມ້າງຄະດີຄ້າຂາຍຢາເສບຕິດໃຫຍ່ເປັນກໍລະນີພິເສດ, ທັງສາມາດຈັບຜູ້ຕ້ອງຫາ 1 ຄົນ ແລະຍຶດເຮໂຣອິນໄດ້ 41,4 ກິໂລ.
ຂະນະທີ່ເຈົ້າໜ້າທີ່ຕຳຫຼວດຊາຍແດນກິ່ງແຂວງເຕີຫົງໄດ້ອອກລາດຕະເວນຢູ່ຕາມທາງຫຼວງຈາກໝູ່ບ້ານນົ້ງຕາວຫາເມືອງຢຸ້ຍລີ້, ກໍໄດ້ດຳເນີນການກວດລົດໃຫຍ່ທີ່ບັນທຸກເຂົ້າສາລີຄັນໜຶ່ງ ເຊິ່ງກໍສາມາດພົບເຮໂຣອິນ 118 ກ້ອນທີ່ມີນ້ຳໜັກ 41,4 ກິໂລ.
ພາຍຫຼັງການສືບສວນສອບສວນ, ຜູ້ຕ້ອງຫາຮັບສາລະພາບວ່າ ຕົນໄດ້ຮັບຄຳສັ່ງຈາກຜູ້ຄ້າຂາຍຢາເສບຕິດມຽນມາ ໃຫ້ຂົນເຮໂຣອິນຈາກປະເທດດັ່ງກ່າວເຂົ້າມາກິ່ງແຂວງເຕີຫົງ ແລະຢາກນຳສົ່ງໄປຕ່າງແຂວງ. ປັດຈຸບັນ, ຜູ້ຕ້ອງຫາໄດ້ຖືກດຳເນີນຄະດີຕາມກົດໝາຍແລ້ວ.