ບຼູໄນໄລ່ຜູ້ຕ້ອງຫາສັນຊາດອິນໂດເນເຊຍ4ຄົນທີ່ມີສ່ວນກ່ຽວພັນກັບກຸ່ມIS
2017-04-08 15:05:33 cri
ສື່ບຼູໄນລາຍງານໃນວັນທີ7ເມສານີ້ວ່າ,ຜູ້ຕ້ອງຫາສັນຊາດອິນໂດເນເຊຍ4ຄົນຖືກສົງໄສມີສ່ວນຮ່ວມໃນການເຄື່ອນໄຫວກ່ຽວກັບລັດທິຫົວຮຸນແຮງຂອງກຸ່ມIS, ຈຶ່ງຖືກລັດຖະບານບຼູໄນຈັບຕົວໃນຫວ່າງມໍ່ໆມານີ້, ແລະຖືກໄລ່ອອກຈາກບຼູໄນຢ່າງຖາວອນ.
ລາຍງາຍຂ່າວໄດ້ອ້າງຕາມຖະແຫຼງການສະບັບໜຶ່ງຂອງກົມຄວາມປອດໄພພາຍໃນປະເທດບຼູໄນໂດຍກ່າວວ່າ, ໃນເດືອນກຸມພາປີນີ້,ກົມດັ່ງກ່າວໄດ້ປະສານງານກັບອົງການສືບຂ່າວແລະອົງການປະຕິບັດກົດໝາຍຂອງບຼູໄນເພື່ອຮ່ວມກັນດຳເນີນວຽກງານປ້ອງກັນຄວາມປອດໄພ, ຜູ້ຕ້ອງຫາ4ຄົນດັ່ງກ່າວຖືກຈັບຕົວ, ແລະຖືກໄລ່ອອກຈາກບຼູໄນ ຍ້ອນມີສ່ວນກ່ຽວພັນເຖິງການເຜີຍແຜ່ແນວຄິດຫົວຮຸນແຮງຂອງກຸ່ມIS.
ຖະແຫຼງການສະບັບນີ້ຍັງກ່າວວ່າ, ເຫດການດັ່ງກ່າວສະແດງໃຫ້ເຫັນວ່າຢູ່ພາຍໃນປະເທດບຼູໄນມີໜໍ່ແໜງທີ່ມີການເຄື່ອນໄຫວຂອງລັດທິຫົວຮຸນແຮງແລະລັດທິກໍ່ການຮ້າຍ, ຈຶ່ງເຕືອນໃຫ້ລັດຖະບານແລະປະຊາຊົນຈົ່ງເພີ່ມສະຕິລະວັງຕົວໃຫ້ສູງຂຶ້ນ.