ວັນທີ 7 ເມສານີ້, ກົມໃຫ່ຍ ຖະແຫລງຂ່າວ, ການພິມຈຳໜ່າຍ, ຮູບເງົາ, ວິທະຍຸ ແລະ ໂທລະພາບ ແຫ່ງປະເທດຈີນ ໄດ້ຈັດ ກິດຈະກຳ ປ່າໄມ້ມິດຕະພາບຈີນ-ຕ່າງປະເທດ ຄັ້ງທີ 14, 2017 ຂຶ້ນ ພາຍໃຕ້ຫົວຂໍ້ ປູກສີຂຽວໄດ້ຮັບມິດຕະພາບ ທີ່ບ້ານ ເຫວີຍຊານຈົວ ເຂດຕ້າຊິ່ງ ນະຄອນຫລວງປັກກິ່ງ, ໂດຍມີ ພະນັກງານ ແລະ ບັນດາຊ່ຽວຊານຕ່າງປະເທດ ຈາກ ວິທະຍຸສາກົນແຫ່ງປະເທດຈີນ ຫລື CRI, CCTV ແລະ ພາກສ່ວນຕ່າງໆ ພອ້ມດວ້ຍການນຳເຂດຕ້າຊິ່ງ ນະຄອນຫລວງປັກກິ່ງ 100 ກວ່າຄົນເຂົ້າຮ່ວມ.
ປີນີ້ ເປັນປີທີ 14 ຂອງ ກິດຈະກຳ ປ່າໄມ້ມິດຕະພາບຈີນ-ຕ່າງປະເທດ,ຈຸດປະສົງຕົ້ນຕໍເພື່ອສ້າງຄວາມສາມັກຄີ ແລະ ເຂົ້າອົກເຂົ້າໃຈກັນ ລະຫວ່າງ ກົມໃຫ່ຍ ຖະແຫລງຂ່າວ, ການພິມຈຳໜ່າຍ, ຮູບເງົາ, ວິທະຍຸ, ແລະ ໂທລະພາບ ແຫ່ງປະເທດຈີນ ແລະ ບັນດາທູຕະນຸທູດ, ຊ່ຽວຊານຕ່າງປະເທດປະຈຳ ສປ ຈີນ ກໍ່ຄື ສື່ມວນຊົນຈາກພາກສ່ວນຕ່າງໆ, ເຫັນຄວາມສຳຄັນໃນການປູກຕົ້ນໄມ້ໃຫ້ເປັນປ່າ ເພື່ອພອ້ມກັນປົກປັກຮັກສາສິ່ງແວດລອ້ມ, ຮັກສາຄວາມສົມດູນທາງທຳມະຊາດ,ເຮັດໃຫ້ ນະຄອນຫລວງປັກກິ່ງກາຍເປັນນະຄອນສີຂຽວ ທັງເປັນການສ້າງສະພາບແວດລອ້ມທີ່ດີ ໃຫ້ແກ່ປະຊາຊົນ ຢູ່ເຂດໃກ້ຄຽງ ໂຄງການກໍ່ສ້າງສະໜາມບິນສາກົນແຫ່ງໃໝ່ ນະຄອນຫລວງປັກກິ່ງທີ່ຈະສຳເລັດໃນປີ 2019 ອີກດວ້ຍ.