ວັນທີ 7 ເມສານີ້ຕາມເວລາທ້ອງຖິ່ນ, ຢູ່ອັນໂຄເຣສ໌ຂອງລັດອາລາສກາ, ທ່ານສີຈີ້ນຜິງ ປະທານປະເທດຈີນໄດ້ຕ້ອນຮັບການເຂົ້າພົບຂອງທ່ານບີວ ໂວເຄີ ເຈົ້າຂອງລັດອາລາສກາຂອງອາເມລິກາ.
ໂອກາດດັ່ງກ່າວ, ທ່ານສີຈີ້ນຜິງກ່າວເນັ້ນວ່າ, ການພົບປະກັບທ່ານປະທານາທິບໍດີທຣຳຄັ້ງນີ້ປະສົບຜົນສຳເລັດທີ່ສຸດໂດຍໄດ້ກ້າວເຖິງຄວາມເປັນເອກະພາບຫຼາຍປະການແລະໄດ້ຮັບຜົນສຳເລັດອັນຕັ້ງໜ້າ. ການຮ່ວມມືລະຫວ່າງທ້ອງຖິ່ນແມ່ນພາກສ່ວນປະກອບທີ່ມີພະລັງຊີວິດຫຼາຍທີ່ສຸດຂອງການພົວພັນລະຫວ່າງຈີນອາເມລິກາ. ລັດອາລາສກາກັບຈີນມີກົກເຄົ້າເຫງົ້າມູນຫຼາຍ, ລັດອາລາສກາແລະເມືອງອັນໂຄເຣສ໌ໄດ້ເຂົ້າຮ່ວມແລະເປັນພິຍານໃຫ້ແກ່ຂະບວນການຂະຫຍາຍການພົວພັນລະຫວ່າງຈີນອາເມລິກາ. ອຸດສາຫະກຳຂອງຈີນກັບລັດອາລາສກາມີລັກສະນະຊ່ອຍຊູຍູ້ໜູນກັນຫຼາຍ, ການແລກປ່ຽນແລະຮ່ວມມືລະຫວ່າງສອງຝ່າຍໄດ້ຮັບການຄືບໜ້າຫຼາຍ, ໃນຂະນະດຽວກັນຍັງມີກຳລັງບົ່ມຊ້ອນຫຼາຍ.
ທ່ານໂວເຄີກ່າວວ່າ, ຈີນແມ່ນຄູ່ການຄ້າສຳຄັນ, ຕະຫຼາດສົ່ງອອກຜະລິດຕະກຳສັດນ້ຳໃຫຍ່ທີ່ສຸດຂອງລັດຕົນ. ລັດຕົນມີຊັບພະຍາກອນອັນອຸດົມສົມບູນ, ຍິນດີເຮັດໃຫ້ການຮ່ວມມືກັບຈີນໃນຫຼາຍຂົງເຂດສະໜິດແໜ້ນກວ່າເກົ່າ, ເຮັດໃຫ້ການໄປມາຫາສູ່ກັນກັບປະຊາຊົນຈີນສະໜິດແໜ້ນກວ່າເກົ່າ.