ວັນທີ 8 ເມສານີ້, ຂະແໜງການສາທາລະນະສຸກໂກລົມບີຢືນຢັນວ່າ, ໄພດິນເຈື່ອນທີ່ເກີດຢູ່ໂມໂກອາເມືອງເອກແຂວງປູຕູມາໂຢ ພາກຕາເວັນຕົກສຽງໃຕ້ຂອງໂກລົມບີໃນຕອນຮຸ່ງເຊົ້າວັນທີ 1 ເມສານີ້ໄດ້ເຮັດໃຫ້ 314 ຄົນເສຍຊີວິດ, ໃນນັ້ນລວມທັງເດັນນ້ອຍ 106 ຄົນ. ນີ້ແມ່ນໄພທຳມະຊາດທີ່ເຮັດໃຫ້ຄົນເສຍຊີວິດແລະບາດເຈັບຫຼາຍທີ່ສຸດທີ່ເກີດຂຶ້ນຢູ່ໂກລົມບີໃນຫຼາຍປີມານີ້.
ຂະແໜງການກອບກູ້ຂອງໂກລົມບີກ່າວວ່າ, ວຽກງານຊອກຄົ້ນແລະຊ່ວຍເຫຼືອຈະສືບຕໍ່ຮອດວັນທີ 10 ເມສານີ້.
ໃນເວລາເດີນທາງຮອດໂມໂກອາໃນວັນທີ 8 ເມສານີ້, ທ່ານຈູອານ ຊັນໂຕສ ກາວເດີໂຣງ ປະທານາທິບໍດີໂກລົມບີ, ຮັບປະກັນວ່າຈະຟື້ນຟູ້ສະໜອງໄຟຟ້າຢູ່ເຂດປະສົບໄພຢ່າງຮອບດ້ານພາຍໃນ 1 ອາທິດແລະແກ້ໄຂບັນຫາສະໜອງນ້ຳພາຍໃນ 1 ເດືອນ.
ນອກນີ້ຂ່າວແຈ້ງວ່າ, ປັດຈຸບັນ, ຜູ້ປະສົບໄພ 2000 ກວ່າຄົນໄດ້ຖືກຈັດວາງຢູ່ 12 ບ່ອນ. ເຂດປະສົບໄພໄດ້ຮັບວັດຖຸກູ້ໄພ 302 ໂຕນ.
