ຫວ່າງມໍ່ໆມານີ້, ຄະນະກຳມະການພັດທະນາການທ່ອງທ່ຽວນະຄອນຫຼວງປັກກິ່ງ ສປ ຈີນໄດ້ຈັດງານໂຄສະນາສົ່ງເສີມການເດີນທາງເພື່ອການສຶກສາປັກກິ່ງ 2017 ຢູ່ມາເລເຊຍແລະອິນໂດເນເຊຍ ໃນຫົວຂໍ້ "ປັກກິ່ງແຫ່ງມົນສະເໜ່, ທ່ຽວແລະຊອກຮູ້ຈີນສະໄໝບູຮານແລະປັດຈຸບັນ", ຂະນະທີ່ເປົ້າໝາຍຕົ້ນຕໍນອກຈາກເປັນການແນະນຳໃຫ້ຮູ້ຊັບພະຍາກອນດ້ານການສຶກສາແລະການທ່ອງທ່ຽວທີ່ມີຄຸນນະພາບສູງຂອງນະຄອນຫຼວງປັກກິ່ງແລ້ວ ຍັງສະແດງໃຫ້ເຫັນມໍລະດົກໂລກ,ການເສີມສ້າງຮ່າງກາຍດ້ວຍແພດແຜນຈີນ, ວັດຖຸບູຮານແລະຫໍພິພິທະພັນທີ່ລ້ຳເລີດ, ການແຂ່ງຂັນກິລາແລະຜະລິດຕະພັນທ່ອງທ່ຽວທີ່ມີເອກະລັກພິເສດສະເພາະຂອງປັກກິ່ງເປັນຕົ້ນ.
ໃນຖານະເປັນສູນວິທະຍາສາດການສຶກສາຂອງຈີນ, ປັກກິ່ງມີມະຫາວິທະຍາໄລ 91 ແຫ່ງ, ໂຮງຮຽນປະຖົມແລະມັດທະຍົມ 1.630 ແຫ່ງ, ຫໍພິພິທະພັນຂອງລັດ 171 ແຫ່ງ, ຫໍພິພິທະພັນຂອງເອກະຊົນ 450 ກວ່າແຫ່ງ ເຊິ່ງໄດ້ເປັນທ່າແຮງດ້ານຊັບພະຍາກອນທີ່ຫາຍາກຕໍ່ການສຶກສາແລະການທ່ອງທ່ຽວ. ປັກກິ່ງໄດ້ເນັ້ນການປະສົມປະສານລະຫວ່າງສະໄໝບູຮານແລະສະໄໝປັດຈຸບັນເຂົ້າກັນ, ຊັບພະຍາກອນດ້ານການສຶກສາແລະການທ່ອງທ່ຽວທີ່ມີຫຼາຍສີສັນໄດ້ຮັບຄວາມສົນໃຈຈາກບຸກຄົນໃນວົງການຂະແໜງການທ່ອງທ່ຽວຂອງມາເລເຊຍແລະອິນໂດເນເຊຍ.
 |
