ຕາມຂ່າວ CRI: ຫວ່າງມໍ່ໆມານີ້, ທ່ານສີຈິ້ນຜີງ ປະທານປະເທດຈີນແລະທ່ານມິເຊີ ເທີເມ ປະທານາທິບໍດີເບຼຊິນໄດ້ສົ່ງຄວາມຫາກັນແລະກັນ, ໂດຍສອງຝ່າຍໄດ້ກ່າວຢ້ຳຄວາມສົນໃຈສູງຕໍ່ສາຍພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດ.
ທ່ານເທີເມ ກ່າວວ່າ, ຕົນດີໃຈຫຼາຍທີ່ຈະໄດ້ເຂົ້າຮ່ວມພົບປະລະຫວ່າງຜູ້ນຳປະເທດບຣິກສ໌ແລະຢ້ຽມຢາມຈີນທາງລັດຖະກິດ, ແລະກໍຫວັງວ່າສອງປະເທດຈະພະຍາຍາມຮ່ວມກັນ, ລົງເລິກການຮ່ວມມືສອງຝ່າຍຕື່ມອີກ. ຂະນະດຽວກັນ, ກໍສະແດງຄວາມຂອບໃຈທີ່ຈີນແກ້ໄຂບັນຫາຜະລິດຕະພັນຊີ້ນຂອງເບຼຊິນທີ່ສົ່ງມາຂາຍໃຫ້ຈີນຢ່າງເໝາະສົມ.
ທ່ານສີຈິ້ນຜີງສະແດງຄວາມຍິນດີຕ້ອນຮັບທ່ານເທີເມທີ່ຈະເຂົ້າຮ່ວມພົບປະລະຫວ່າງຜູ້ນຳປະເທດບຣິກສ໌ແລະຢ້ຽມຢາມຈີນທາງລັດຖະກິດ, ແລະຫວັງວ່າການຮ່ວມມືເສດຖະກິດການຄ້າລະຫວ່າງສອງປະເທດຈະໄດ້ຮັບພັດທະນາເປັນຢ່າງດີ, ເພື່ອສ້າງຄວາມຜາສຸກໃຫ້ແກ່ປະຊາຊົນສອງປະເທດ.