ຂ່າວສານຊິນຮວາລາຍງານວ່າ: ວັນທີ 9 ເມສານີ້, ສູນບັນຊາການຮ່ວມຣັດເຊຍ ແລະອີຣານຢູ່ຊີລີໄດ້ອອກຖະແຫຼງການວ່າ: ໃນຖານະເປັນພັນທະມິດຂອງປະເທດຊີຣີ, ຣັດເຊຍ ແລະອີຣານພ້ອມຈະຕອບໂຕ້ຕໍ່ການຮຸກຮານຊີຣີໃຫ້ເຖິງທີ່ສຸດ.
ຖະແຫຼງການດັ່ງກ່າວໄດ້ປະນາມອາເມລິກາທີ່ໂຈມຕີຊີຣີໂດຍບໍ່ໄດ້ຮັບອະນຸຍາດຈາກອົງການສະຫະປະຊາຊາດ ທີ່ຍັງບໍ່ທັນກວດສອບກໍລະນີທີ່ຊີຣີໃຊ້ອາວຸດເຄມີຢ່າງຈະແຈ້ງເທື່ອ. ການໂຈມຕີດັ່ງກ່າວໄດ້ລ້ຳເສັ້ນ ເຊິ່ງເປັນການຮຸກຮານອະທິປະໄຕຂອງຊີຣີ ແລະເປັນການກະທຳໜຶ່ງທີ່ອັນຕະລາຍ. ຫຼັງຈາກນີ້, ຣັດເຊຍ ແລະອີຣານຈະຕອບໂຕ້ຕໍ່ການຮຸກຮານປະເທດຊີຣີຢ່າງເດັດຂາດບໍ່ວ່າປະເທດໃດໆກໍຕາມ.
ສຳນັກຂ່າວຊີຣີລາຍງານວ່າ: ວັນທີ 9 ເມສານີ້, ທ່ານບາສຊາ ຈາຟາຣີ ປະທານາທິບໍດີຊີຣີໄດ້ໂທລະສັບລົມກັບທ່ານຮາດຊັນ ຣູຮານິ ປະທານາທິບໍດີອີຣານ ຫຼັງໄດ້ປະນາມອາເມລິກາທີ່ຮຸກຮານ ແລະພ້ອມສະໜັບສະໜູນຄວາມພະຍາຍາມຂອງຊີຣີໃນການຕໍ່ຕ້ານລັດທິການກໍ່ການຮ້າຍ ແລະແກ້ໄຂວິກິດການໂດຍສັນຕິ.