ຕາມຂ່າວສານຈີນ: ເສັ້ນທາງການບິນແຕ່ເມືອງຊ່ານຢ້າແຂວງໄຫຫຼຳ ສປ ຈີນ ຫາພັດທະຍາຂອງໄທ ທີ່ເປີດບໍລິການໂດຍບໍລິສັດບໍລິການການບິນຮ່ວມໄຫຫຼຳຈີນຈຳກັດ ແລະບໍລິສັດການບິນໄຫຫຼຳ ນັ້ນ ໄດ້ບິນເປັນຄັ້ງທຳອິດຢ່າງເປັນທາງການໃນຕອນຄ່ຳວັນທີ 8 ເມສານີ້.
ບໍລິສັດການບິນໄຫຫຼຳ ໄດ້ນຳໃຊ້ເຮືອບິນໂບອິງ 738 ບໍລິການທຸກໆວັນອັງຄານ, ວັນພະຫັດ ແລະວັນເສົາ ເຊິ່ງຂາໄປແມ່ນຖ້ຽວບິນ HU401 ຈາກສະໜາມບິນເຟີ້ງຮວງເມືອງຊ່ານຢ້າໃນເວລາ 20 ໂມງ 30 ນານີ້ ແລະເຖິງສະໜາມບິນພັດທະຍາໃນເວລາ 21 ໂມງ 35 ນາທີຕາມເວລາປະເທດໄທ. ສ່ວນຂາກັບ ແມ່ນຖ້ຽວບິນ HU402 ບິນຈາກສະໜາມບິນພັດທະຍາໃນເວລາ 22 ໂມງ 35 ນາທີຕາມເວລາປະເທດໄທ ແລະເຖິງຊ່ານຢ້າໃນເວລາ 1 ໂມງ 45 ນາທີຕາມເວລາປັກກິ່ງ.
ຢູ່ໄທ ມີຈີນຕ່າງດ້າວແລະຄົນໄທເຊື້ອສາຍຈີນໄຫຫຼຳ 7 ແສນກວ່າຄົນໄດ້ດຳລົງຊີວິດ ແລະມີການພົວພັນໄປມາຫາສູ່ກັນຢ່າງສະໜິດແໜ້ນກັບໄຫຫຼຳ ເຊິ່ງການເປີດເສັ້ນທາງການບິນໂດຍກົງແຕ່ຊ່ານຢ້າຫາພັດທະຍາຄັ້ງນີ້ ໄດ້ກາຍເປັນເສັ້ນທາງການບິນໄຫຫຼຳ-ໄທໂດຍກົງເສັ້ນທີ 4 ຖັດຈາກຊ່ານຢ້າ-ບາງກອກ, ໄຫໂຂ-ຊຽງລາຍ ແລະ ໄຫໂຂ-ຊຽງໃໝ່.