ກ່ອນໜ້ານີ້ບໍ່ດົນ, ສຳນັກພິມການສຶກສາພາສາຕ່າງປະເທດຊຽງໄຮ ໄດ້ຮຽບຮຽງ ແລະພິມຈຳໜ່າຍວັດຈະນານຸກົມປະກອບຮູບພາບທາງສັງຄົມແລະວັດທະນະທຳ ກ່ຽວກັບ "ໜຶ່ງແລວທາງໜຶ່ງເສັ້ນທາງ" ເປັນຫຼາຍພາສາໃນງວດທຳອິດໂດຍມີ 13 ພາສາ ຄື ພາສາອາຣັບ, ໂປໂລຍ, ເຢຍລະມັນ, ຣັດເຊຍ, ຝຣັ່ງ, ໂຮນລັງ, ລູມານີ, ຍີ່ປຸ່ນ, ຕວກກີ, ແອສປາຍ, ເກຣັກ, ອີຕາລີ ແລະອັງກິດ ເຊິ່ງນອກຈາກສະບັບພາສາອັງກິດ-ຈີນທີ່ມີສອງພາສາແລ້ວ, ກໍຍັງມີອີກ 12 ສະບັບລ້ວນແຕ່ມີສາມພາສາຄື ພາສາທ້ອງຖິ່ນ-ອັງກິດ-ຈີນ.
ວັດຈະນານຸກົມດັ່ງກ່າວ ມີຄຳສັບທີ່ໃຊ້ປະຈຳວັນ ເຊິ່ງພົວພັນເຖິງຊີວິດວັດທະນະທຳສັງຄົມ ເປັນຕົ້ນ, ມວນມະນຸດ, ຢູ່ເຮືອນ, ອາຫານການກິນ, ຄົມມະນາຄົມ, ການສຶກສາ, ການເຮັດວຽກ, ໜ່ວຍໂລກ ແລະທຳມະຊາດ, ຂະນະທີ່ບາງສ່ວນຍັງມີວະລີຫຼືປະໂຫຍກທີ່ໃຊ້ທົ່ວໄປ.
 |
