ວັນທີ 9 ເມສານີ້, ນັກກິລາຊາຍຕີດອກປີກໄກ່ໂລກໃນລາຍການດ່ຽວ ໄດ້ພົບກັນອີກຄັ້ງໃໝ່ໃນການແຂ່ງຂັນດອກປີກໄກ່ໂອເພັນມາເລເຊຍ ແລະຫຼັງແຂ່ງຂັນ, ຜົນປາກົດວ່າ: ທ້າວ ລິນຕ່ານ ຊະນະ ທ້າວ ລີຈົງເວີຍ ເຖິງວ່າເຈົ້າພາບໄດ້ປຽບໃນຖານະເປັນເຈົ້າສະໜາມກໍຕາມ ແຕ່ກໍຊະນະດ້ວຍຄະແນນ 2 ຕໍ່ 0 ໄດ້ ແຊ໊ມຢູ່ປະເທດດັ່ງກ່າວເປັນຄັ້ງທຳອິດ.
ເຖິງວ່າໄດ້ແຊ໊ມໃນການແຂ່ງຂັນດອກປີກໄກ່ໂລກ 5 ເທື່ອ ແລະເປັນແຊ໊ມໂອລິມປິກສອງເທື່ອກໍຕາມ, ແຕ່ທ້າວ ລິນຕ່ານ ກໍບໍ່ເຄີຍໄດ້ແຊ໊ມໃນການແຂ່ງຂັນດອກປີກໄກ່ໂອເພັນມາເລເຊຍແມ່ນແຕ່ເທື່ອດຽວ ຂະນະທີ່ເຄີຍເຂົ້າຊີງຊະນະເລີດ 3 ເທື່ອ ໂດຍການເສຍໃຫ້ທ້າວ ລີຈົງເວີຍ ໃນປີ 2005 ແລະປີ 2006 ແລະເສຍໃຫ້ທ້າວ ເຊີນລົງ ນັກກິລາຈີນຊາດດຽວກັນໃນປີ 2015.