ອົງການປົກຄອງເມືອງຊານຢ້າແຂວງໄຫຫຼຳ ສປ ຈີນແຈ້ງໃຫ້ຊາບໃນວັນທີ 10 ເມສານີ້ວ່າ: ໄຕມາດທຳອິດຂອງປີນີ້, ເມືອງຂອງຕົນໄດ້ຕ້ອນຮັບນັກທ່ອງທ່ຽວພັກແຮມເຖິງ 4.953.600 ເທື່ອຄົນ, ໃນນີ້,ນັກທ່ອງທ່ຽວສາກົນ 150.700 ເທື່ອຄົນ ເພີ່ມຂຶ້ນເຖິງ50.62% ເມື່ອທຽບໃສ່ໄລຍະດຽວກັນຂອງປີຜ່ານມາໂດຍຣັດເຊຍ,ສ ເກົາຫຼີ,ໄຕ້ຫວັນແລະຮົງກົງຈີນຄອງອັນດັບແຕ່ 1 ຫາ 4 ໃນຕະຫຼາດນັກທ່ອງທ່ຽວສາກົນ, ໃນນີ້, ນັກທ່ອງທ່ຽວຣັດເຊຍເພີ່ມຂຶ້ນໄວທີ່ສຸດຄືເພີ່ມຂຶ້ນກວ່າ 7 ເທົ່າເມື່ອທຽບໃສ່ໄລຍະດຽວກັນຂອງປີຜ່ານມາ. ຂະນະທີ່ນັກທ່ອງທ່ຽວອາເມລິກາ,ມາເລເຊຍ,ສິງກະໂປ,ເຢຍລະມັນແລະປະເທດອື່ນໆກໍເພີ່ມຂຶ້ນຢ່າງວ່ອງໄວເຊັ່ນກັນ.
ຈາກສະພາບແວດລ້ອມການທ່ອງທ່ຽວທີ່ດີຈິ່ງເຮັດໃຫ້ເມືອງຊານຢ້າມີຊື່ສຽງໂດ່ງດັງໃນສາກົນຢ່າງຕໍ່ເນື່ອງ ເຊິ່ງເຫັນໄດ້ຈາກຕົ້ນປີນີ້ໄດ້ກາຍເປັນເມືອງໜຶ່ງດຽວຂອງຈີນທີ່ຢູ່ໃນບັນຊີລາຍຊື່ 52 ເມືອງຍອດນິຍົມທ່ອງທ່ຽວໃນໂລກ 2017 ຈາກການຈັດອັນດັບຂອງໜັງສືພິມ The New York Times.