ຕາມຂ່າວສານຊິນຮວາ: ໃນພິທີຖະແຫຼງຂ່າວທີ່ຈັດຂຶ້ນໃນວັນທີ 10 ເມສານີ້, ມີນັກຂ່າວຖາມວ່າ, ສປປ ເກົາຫຼີອາດຈະທົດລອງນິວເຄຼຍຄັ້ງທີ 6, ຂະນະດຽວກັນ, ກອງກຳປັ່ນບັນທຸກເຮືອບິນຂອງອາເມລິກາກໍໄດ້ເຂົ້າໃກ້ເຂດທະເລທີ່ໃກ້ກັບ ສ.ເກົາຫຼີ ເຮັດໃຫ້ສະຖານະການແຫຼມເກົາຫຼີເຄັ່ງຕຶງຂຶ້ນ, ຈີນຄິດແນວໃດຕໍ່ເລື່ອງນີ້?
ທ່ານນາງຮວາຊຸນຢິງ ໂຄສົກກະຊວງການຕ່າງປະເທດຈີນກ່າວວ່າ, ຈີນໄດ້ຕິດຕາມສະຖານະການແຫຼມເກົາຫຼີມາໂດຍຕະຫຼອດ ແລະພາຍໃຕ້ສະຖານະການດັ່ງກ່າວ, ບັນດາຝ່າຍທີ່ກ່ຽວຂ້ອງລ້ວນແຕ່ຄວນຮັກສາຄວາມອົດກັ້ນໄວ້, ຢ່າ ກະທຳສິ່ງໃດໜຶ່ງທີ່ຈະເຮັດໃຫ້ສະຖານະການພາກພື້ນເຄັ່ງຕຶງຂຶ້ນ. ຂະນະດຽວກັນກໍໄດ້ສະເໜີແນວຄິດ "ສອງຊ່ອງທາງໄປພ້ອມກັນ" ແລະຂໍ້ສະເໜີ "ສອງຝ່າຍລ້ວນແຕ່ຢຸດການກະທຳທີ່ກ່ຽວຂ້ອງ" ເພື່ອແກ້ໄຂບັນຫານິວເຄຼຍແຫຼມເກົາຫຼີ ເຊິ່ງເປັນຂໍ້ສະເໜີທີ່ສົມເຫດສົມຜົນ, ພາວະວິໄສ ແລະເປັນທຳ, ແນວໃດກໍດີ ຂໍໃຫ້ບັນດາຝ່າຍຈົ່ງພິຈາລະນາຢ່າງຈິງຈັງ ແລະຕອບຮັບຢ່າງສ້າງສັນ.