ຕາມຂ່າວສານຈີນ: ເຈົ້າໜ້າທີ່ພະແນກສຶກສາທິການເຂດປົກຄອງຕົນເອງເຜົ່າຈ້ວງກວາງຊີເປີດເຜີຍວ່າ, ຄຽງຄູ່ກັບການຮ່ວມມືລະຫວ່າງຈີນກັບອາຊຽນເຂົ້າສູ່ລວງເລິກ, ຈີນແລະບັນດາປະເທດໃນອາຊຽນກໍຮຽກຮ້ອງຕ້ອງໃຫ້ມີຜູ້ທີ່ຮູ້ພາສາຂອງບັນດາປະເທດອາຊີຕາເວັນອອກສຽງໃຕ້ນັບມື້ນັບຫຼາຍຂຶ້ນ ແລະຈາກເປົ້າມາຍດັ່ງກ່າວ, ໂຮງຮຽນຊັ້ນສູງລະດັບປະລິນຍາຕີກໍໄດ້ເປີດພາກວິຊາຮຽນ 7 ພາສາອາຊີຕາເວັນອອກສຽງໃຕ້ ເຊັ່ນ: ພາສາລາວ, ຫວຽດນາມ, ໄທ ແລະອື່ນໆ ໂດຍປີຜ່ານມາ ນັກສຶກສາໄດ້ຮຽນຈົບຂະແໜງວິຊາເຫຼົ່ານີ້ 95%ຂຶ້ນໄປໄດ້ມີວຽກເຮັດງານທຳ.
ທ່ານສິນຊິ້ວຫົງ ຮອງຫົວໜ້າຄະນະພາສາແລະວັດທະນະທຳອາຊີຕາເວັນອອກສຽງໃຕ້ມະຫາວິທະຍາໄລຊົນເຜົ່າກວາງຊີກ່າວວ່າ, ປັດຈຸບັນ, ມະຫາວິທະຍາໄລຂອງຕົນໄດ້ບັນຈຸຫຼາຍພາກວິຊາຮຽນພາສາອາຊີຕາເວັນອອກສຽງໃຕ້ ແລະມີຂະໜາດໃຫຍ່ຂຶ້ນເລື້ອຍໆ. ຂະນະທີ່ປີ 2016, ນອກຈາກຮຽນຕໍ່ປະລິນຍາໂທແລ້ວ, ນັກສຶກສາທີ່ຮຽນຈົບຈາກຂະແໜງວິຊາເຫຼົ່ານີ້ເກືອບ 70% ໄດ້ໄປເຮັດວຽກນຳບໍລິສັດຂ້າມຊາດຂອງຈີນ, ບັນດາປະເທດອາຊຽນ ແລະໄດ້ຮັບເງິນເດືອນດີສົມຄວນ.