ຕາມຂ່າວສານຈີນ: "ຄວາມເຫັນຂອງທ່ານສີຈິ້ນຜິງກ່ຽວກັບການປົກຄອງປະເທດແລະຄຸ້ມຄອງລັດ" ສະບັບພາສາກຳປູເຈຍໄດ້ຈັດພິທີເລີ່ມພິມຈຳໜ່າຍຢູ່ສຳນັກງານນາຍົກລັດຖະມົນຕີກຳປູເຈຍໃນວັນທີ 11 ເມສານີ້.
ທ່ານຮຸນເຊັນ ນາຍົກລັດຖະມົນຕີກຳປູເຈຍກ່າວໃນພິທີວ່າ, ປຶ້ມ"ຄວາມເຫັນຂອງທ່ານສີຈິ້ນຜິງກ່ຽວກັບການປົກຄອງປະເທດແລະການຄຸ້ມຄອງລັດ" ໄດ້ລວບລວມຄວາມເຫັນສຳຄັນຂອງທ່ານປະທານສີຈິ້ນຜິງໃນການປົກຄອງປະເທດແລະການຄຸ້ມຄອງລັດ ເຊິ່ງສາມາດເວົ້າໄດ້ວ່າເປັນປຶ້ມທີ່ມີເນື້ອໃນຢ່າງລ້ຳຄ່າໃນການສ້າງສັງຄົມນິຍົມຈີນ. ຂະນະດຽວກັນ, ນອກຈາກຜູ້ອ່ານສາມາດຊອກຮູ້ສະພາບການພັດທະນາທາງເສດຖະກິດສັງຄົມຂອງຈີນໃນປຶ້ມຫົວນີ້, ຍັງສາມາດເຂົ້າໃຈເຖິງຄວາມໝາຍທີ່ແທ້ຈິງຂອງຄວາມໃຝ່ຝັນຂອງຈີນ ແລະ ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ໄດ້ດີກວ່າເກົ່າ.
ໃນພິທີດັ່ງກ່າວ, ທ່ານຈຽງຈ້ຽນກົວ ຮອງຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນ, ຫົວໜ້າຫ້ອງການຖະແຫຼງຂ່າວຄະນະລັດຖະບານຈີນໄດ້ມອບປຶ້ມຫົວນີ້ໃຫ້ທ່ານຮຸນເຊັນ ແລະແຂກທີ່ມີກຽດທີ່ເຂົ້າຮ່ວມ.
 |
