ທ່ານສີຈິ້ນຜິງ ປະທານປະເທດຈີນໄດ້ພົບປະເຈລະຈາກັບທ່ານທິນຈໍ ປະທານາທິບໍດີມຽນມາຢູ່ຫໍສະພາປະຊາຊົນແຫ່ງຊາດຈີນນະຄອນຫຼວງປັກກິ່ງໃນວັນທີ 10 ເມສານີ້ ໂດຍປະມຸກລັດສອງປະເທດໄດ້ເປັນເອກະພາບກັນເຫັນດີຍຶດໝັ້ນແນວທາງການຮ່ວມມືທີ່ເຄົາລົບເຊິ່ງກັນແລະກັນ ແລະຕ່າງຝ່າຍຕ່າງມີຜົນປະໂຫຍດ, ຊຸກຍູ້ການພົວພັນສອງປະເທດໃຫ້ຂະຫຍາຍຕົວຢ່າງຕໍ່ເນື່ອງແລະໜັກແໜ້ນ, ຕັ້ງໜ້າຊຸກຍູ້ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ເພື່ອນຳເອົາຄວາມຜາສຸກມາໃຫ້ປະຊາຊົນສອງຊາດ; ຮັດແໜ້ນການປະສານງານແລະການຮ່ວມມືລະຫວ່າງສອງຝ່າຍໃນວຽກງານພາກພື້ນແລະສາກົນ, ເປັນບ້ານໃກ້ເຮືອນຄຽງທີ່ດີ, ເພື່ອນມິດທີ່ີດີ, ອ້າຍນ້ອງທີ່ດີ ແລະໝູ່ຄູ່ທີ່ດີຕະຫຼອດໄປ.
ປະມຸກລັດສອງປະເທດຍັງໄດ້ຮ່ວມກັນເປັນສັກຂີພິຍານໃນການລົງນາມການຮ່ວມມືລະຫວ່າງສອງຝ່າຍໃນຂົງເຂດເສດຖະກິດເຕັກນິກ, ສາທາລະນະສຸກ, ກິລາ, ຄົມມະນາຄົມ, ຂະແໜງການປ່າໄມ້, ວັດຖຸບູຮານ ແລະອື່ນໆ.
ນອກນີ້ຍັງໄດ້ເຜີຍແຜ່ "ຖະແຫຼງການຮ່ວມລະຫວ່າງສາທາລະນະລັດປະຊາຊົນຈີນແລະສະຫະພາບມຽນມາ".