ທ່ານວຣາດີເມຍ ປູຕິນ ປະທານາທິບໍດີຣັດເຊຍກ່າວໃນວັນທີ 11 ເມສານີ້ວ່າ: ອາເມລິກາ ພ້ອມຈະກໍ່ເຫດອີກຄັ້ງໃໝ່ຢູ່ຊານເມືອງທາງພາກໃຕ້ນະຄອນຫຼວງດາມັສ ປະເທດຊີຣີເພື່ອທ້າທາຍຣັດເຊຍແລະຈາກນີ້, ປະເທດຕົນຈະຍື່ນຄຳຮ້ອງຂໍໃຫ້ສານໂລກຂອງອົງການສະຫະປະຊາຊາດເພື່ອສືບສວນເຫດການອາວຸດເຄມີຢູ່ຊີຣີຢ່າງລະອຽດ.
ທ່ານປູຕິນກ່າວວ່າ, ຣັດເຊຍພ້ອມລໍຖ້າດ້ວຍຄວາມອົດທົນ ແລະຫວັງວ່າສາຍພົວພັນກັບອາເມລິກາຈະເປັນໄປທາງບວກໃນຕໍ່ໜ້າ.
ກະຊວງປ້ອງກັນປະເທດອາເມລິກາອອກຖະແຫຼງການໃນວັນທີ 6 ເມສານີ້ວ່າ: ກອງທັບປະເທດຕົນໄດ້ຍິງລູກສອນໄຟຫຼາຍສິບລູກໃສ່ສະໜາມບິນທະຫານແຫ່ງໜຶ່ງຂອງຊີຣີໃນຄືນວັນທີ 6 ເມສານີ້ເພື່ອຕອບໂຕ້ເຫດການໂຈມຕີດ້ວຍອາວຸດເຄມີທີ່ເກີດຂຶ້ນຢູ່ຊີຣີກ່ອນໜ້ານີ້.