ເວັບໄຊອົງການສະຖິຕິຟີລິບປີນເປີດເຜີຍວ່າ, ໃນເດືອນມັງກອນແລະເດືອນກຸມພາປີນີ້, ຍອດມູນຄ່ານຳເຂົ້າສົ່ງອອກສິນຄ້າຂອງຟີລິບປີນບັນລຸເຖິງ 24 ຕື້ 144 ລ້ານໂດລາສະຫະລັດ, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 16,4%, ສຳລັບມູນຄ່າການຄ້າກັບຈີນກໍບັນລຸເຖິງ 3 ຕື້ 526 ລ້ານໂດລາສະຫະລັດ, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 21,9%, ຈາກນີ້ຈີນຈຶ່ງແມ່ນຄູ່ການຄ້າໃຫຍ່ອັນດັບໜຶ່ງ, ທັງເປັນຕະຫຼາດນຳເຂົ້າສິນຄ້າໃຫຍ່ທີ່ສຸດແລະປະເທດສົ່ງອອກສິນຄ້າໃຫຍ່ອັນດັບ 4 ຂອງຟີລິບປີນ.
ໃນໄລຍະ 2 ເດືອນຕົ້ນປີນີ້, ຟີລິບປີນໄດ້ນຳເຂົ້າສິນຄ້າຈາກຈີນມູນຄ່າ 2 ຕື້ 533 ລ້ານໂດລາ, ກວມ 17,9% ຂອງການນຳເຂົ້າທັງໝົດເຊິ່ງທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 20,9%, ແລະສົ່ງອອກສິນຄ້າໄປຈີນໃນມູນຄ່າ 993 ລ້ານໂດລາ, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 24,3%.