ອົງການປ້ອງກັນໄພອິນໂດເນເຊຍຢືນຢັນໃນວັນທີ 11 ເມສານີ້ວ່າ, ພູເຈື່ອນຢູ່ເມືອງໂບໂນໂຣໂກແຂວງຈາວາຕາເວັນອອກໃນວັນທີ 1 ເມສານີ້ສົ່ງຜົນເຮັດໃຫ້ 4 ຄົນເສຍຊີວິດແລະ 24 ຄົນຫາຍສາບສູນ, ຂະນະທີ່ການຊອກຫາຜູ້ຫາຍສາບສູນກໍໄດ້ສິ້ນສຸດແລ້ວໃນວັນທີ 11 ເມສານີ້.
ທ່ານຊຸໂຕໂປ, ໂຄສົກອົງການປ້ອງກັນໄພອິນໂດເນເຊຍກ່າວວ່າ, ອົງການປົກຄອງທ້ອງຖິ່ນພວມຈັດສັນປະຊາຊົນກວ່າ 300 ຄົນທີ່ອົບພະຍົບອອກຈາກເຂດເກີດພູເຈື່ອນໃຫ້ມີຄວາມປອດໄພແລະມີຄວາມສະດວກໃນການດຳລົງຊີວິດ.