ຊາວເມືອງຊີກາໂກອາເມລິກາຈຳນວນໜຶ່ງໄດ້ລວມກັນຢູ່ຫ້ອງໂຖງໃຫຍ່ອາຄານໂດຍສານເລກ 1ຂອງສະໜາມບິນສາກົນໂອແຮເມືອງດັ່ງກ່າວໃນຕອນບ່າຍວັນທີ 11 ເມສານີ້ເພື່ອປະທ້ວງການກະທຳທີ່ຊົ່ວຊ້າຂອງບໍລິສັດການບິນສະຫະລັດອາເມລິກາຫຼືUnited AirLines ທີ່ບັງຄັບແລະລາກຜູ້ໂດຍສານເຊື້ອສາຍອາຊີຜູ້ໜຶ່ງລົງຈາກເຮືອບິນ.
ຫຼັງຜະເຊີນກັບການປະທ້ວງຢ່າງຮຸນແຮງແລະລາຄາຫຸ້ນຂອງບໍລິສັດການບິນສະຫະລັດອາເມລິກາຕົກຕ່ຳລົງຢ່າງຫຼວງຫຼາຍ, ທ່ານໂອສະກາມູນິໂອສ ຜູ້ບໍລິຫານທຸລະກິດສູງສຸດຫຼືCEOບໍລິສັດດັ່ງກ່າວໄດ້ອອກມາຖະແຫຼງອີກຄັ້ງໃໝ່ໃນວັນທີ 11 ເມສານີ້ໂດຍກ່າວຂໍໂທດ ຜູ້ໂດຍສານທີ່ຖືກເຄາະຮ້າຍ ທັງອ້າງວ່າ ບໍ່ຄວນມີໃຜຈະໄດ້ຮັບຄວາມທໍລະມານຄືແນວນີ້. ແນວໃດກໍດີ,ກໍຢືນຢັນວ່າ ບໍລິສັດຕົນຈະຮັບຜິດຊອບຕໍ່ເຫດການນີ້ທັງໝົດໂດຍຈະສືບສວນ ຢ່າງລະອຽດທັງຈະແຈ້ງຜົນການສືບສວນກ່ອນວັນທີ 30 ເດືອນນີ້.
ສື່ມວນຊົນພາກພາສາຈີນເມືອງຊີກາໂກລາຍງານວ່າ: ຜູ້ຖືກເຄາະຮ້າຍຊື່ວ່າ ດາວິດດາວ ເປັນຄົນຫວຽດນາມເຊື້ອສາຍຈີນ ໂດຍປີນີ້ອາຍຸ 69 ປີ, ທ່ານແລະພັນລະຍາໄດ້ຍ້າຍຖິ່ນຖານມາຢູ່ອາເມລິກາຫຼັງຮຽນຈົບຈາກມະຫາວິທະຍາໄລແພດສາດຫວຽດນາມ.