ປາກີສະຖານຈະເປັນປະເທດທຳອິດໃນອາຊີໃຕ້ທີ່ທົດລອງລະບົບ 5G
2017-04-13 16:56:32 cri
ຕາມຂ່າວ CRI: ທ່ານອັນນຸຊາຣາມັນ ລັດຖະມົນຕີກະຊວງເຕັກນິກຂໍ້ມູນຂ່າວສານປາກີສະຖານກ່າວວ່າ, ຫຼາຍປີຜ່ານມາ, ຂະແໜງການສື່ສານໂທລະຄົມຂອງປະເທດຕົນໄດ້ພັດທະນາຢ່າງວ່ອງໄວ, ໂດຍເຫັນໄດ້ຈາກອັດຕາປົກຫຸ້ມອິນເຕີເນັດຄວາມຖີ່ສູງເພີ່ມຈາກ 3% ໃນສອງປີຜ່ານມາຂຶ້ນເປັນ 27%, ແລະຄາດວ່າຈະເຮັດໃຫ້ແຕ່ລະບ້ານໄດ້ຊົມໃຊ້ໂທລະສັບມືຖືກ່ອນປີ 2030. ທ່ານຣາມັນກ່າວຕື່ມວ່າ, ຕະຫຼາດສື່ສານໂທລະຄົມຂອງປະເທດຕົນມີຍອດມູນຄ່າ 3 ຕື້ໂດລາ, ແລະຈາກນີ້ລັດຖະບານຄວນເພີ່ມຄວາມແຮງຊຸກຍູ້ຕະຫຼາດ, ຂຸດຄົ້ນກຳລັງບົ່ມຊ້ອນດ້ານການພັດທະນາຕະຫຼາດ. ຂະນະທີ່ຕໍ່ໜ້າຈະດຳເນີນການທົດລອງນຳໃຊ້ລະບົບ 5G, ແລະຖ້າສຳເລັດກໍຈະກາຍເປັນປະເທດທຳອິດໃນອາຊີໃຕ້ທີ່ທົດລອງລະບົບດັ່ງກ່າວ.