ດາວທຽມ "ຊືຈ້ຽນ 13" ເປັນດາວທຽມໂທລະຄົມທີ່ມີຂະໜາດບັນຈຸໂທລະຄົມສູງໜ່ວຍທຳອິດຂອງຈີນ ໄດ້ຂຶ້ນສູ່ທ້ອງຟ້າດ້ວຍຜົນສຳເລັດຫຼັງຖືກສົ່ງຢູ່ສູນສົ່ງດາວທຽມຊີ່ຊ່າງໃນເວລາ 19 ໂມງ 4 ນາທີຂອງວັນທີ 12 ເມສານີ້ ໂດຍຂະໜາດບັນຈຸໂທລະຄົມຂອງດາວທຽມໜ່ວຍນີ້ ມີຫຼາຍກວ່າຂະໜາດບັນຈຸໂທລະຄົມລວມຂອງດາວທຽມໂທລະຄົມທັງໝົດທີ່ຈີນຄົ້ນຄວ້າຜ່ານມາ ແລະເນື່ອງຈາກບໍ່ຖືກຈຳກັດເລື່ອງເງື່ອນໄຂຢູ່ໜ້າດິນນັ້ນ, ດາວທຽມໜ່ວຍນີ້ຈຶ່ງໄດ້ຮັບການຂະໜານນາມວ່າ "ຊຸບເປີຣູເຕີກາງຫາວ" ໂດຍສາມາດບໍລິການອິນເຕີເນັດຄວາມຖີ່ສູງທີ່ມີຄຸນນະພາບດີໃຫ້ແກ່ເຂດຫ່າງໄກສອກຫຼີກ ພ້ອມດ້ວຍເຮືອບິນ, ລົດໄຟຄວາມໄວສູງ, ລົດຍົນ ແລະກຳປັ່ນທີ່ກຳລັງແລ່ນ.
ປັດຈຸບັນ, ຈີນມີດາວທຽມໂທລະຄົມນຳໃຊ້ທາງພົນລະເຮືອນຢູ່ວົງໂຄຈອນນັ້ນ 16 ໜ່ວຍ ແລະມີເຄື່ອງສົ່ງຕໍ່ 273 ເຄື່ອງ ເຊິ່ງປະກອບເປັນເຄືອຂ່າຍດາວທຽມໂທລະຄົມທີ່ເຊື່ອມຕໍ່ອາຊີໃຕ້, ທະວີບອາຟຣິກາ, ເອີຣົບ ແລະທະວີບອາເມລິກາ ໂດຍໄດ້ກາຍເປັນຂີດຄວາມສາມາດການບໍລິການໂທລະຄົມຜ່ານດາວທຽມແບບທົ່ວໂລກໃນຂັ້ນພື້ນຖານ. ຂະນະດຽວກັນ, ທຸລະການໂທລະຄົມຜ່ານດາວທຽມຂອງຈີນ ໄດ້ຂະຫຍາຍກວມເອົາ 30 ກວ່າປະເທດແລະເຂດແຄວ້ນໃນໂລກ ເຊິ່ງມີອິດທິພົນໃນຕະຫຼາດສູງຂຶ້ນຢ່າງຫຼວງຫຼາຍ.
 |
