ຕາມຂ່າວສານຈີນ: ກົມທາງດ່ວນກະຊວງຄົມມະນາຄົມໄທປະກາດໃນວັນທີ 12 ເມສານີ້ວ່າ, ໃນມື້ທຳອິດຂອງບຸນປີໃໝ່ຄືວັນທີ 11 ເມສາຜ່ານມາ, ມີ 15 ຄົນເສຍຊີວິດໃນອຸບັດເຫດທາງຖະໜົນ ແລະ 104 ຄົນບາດເຈັບ.
ໄລຍະມື້ຂຶ້ນປີໃໝ່ສາກົນແລະບຸນຫົດນ້ຳຂອງໄທແມ່ນໄລຍະທີ່ເກີດອຸບັດເຫດທາງຖະໜົນຫຼາຍ, ເຊິ່ງໃນໄລຍະພັກສອງບຸນດັ່ງກ່າວ ກໍໄດ້ກຳນົດ "7 ມື້ອັນຕະລາຍ" ແລະອຸບັດເຫດສ່ວນໃຫຍ່ເກີດຈາກການເມົາແລ້ວຂັບລົດ, ຂັບລົດໄວກາຍຂີດຈຳກັດແລະຂັບລົດໃນເວລາອິດເມື່ອຍ.
ເພື່ອຮັກສາຄວາມປອດໄພຂອງການສັນຈອນຕາມທ້ອງຖະໜົນໃນໄລຍະບຸນປີໃໝ່, ລັດຖະບານໄທໄດ້ໃຊ້ມາດຕະການຫຼາຍປະການ ລວມທັງສົ່ງທະຫານແລະຕຳຫຼວດໄປປະຈຳຢູ່ເສັ້ນທາງສາຍສຳຄັນ ທັງຮຽກຮ້ອງໃຫ້ຕິດຕັ້ງເຄື່ອງ GPS ຢູ່ລົດຕູ້ໂດຍສານ, ທຸກບ່ອນນັ່ງຕ້ອງມີສາຍແອວນິລະໄພ, ຫ້າມຂັບລົດໃນເວລາອິດເມື່ອຍ, ຫຼັງດື່ມເຫຼົ້າ ແລະຫ້າມຂັບລົດໄວກາຍຂີດຈຳກັດ.