ວັນທີ 13 ເມສານີ້, ກະຊວງປ້ອງກັນປະເທດອາເມລິກາໄດ້ອອກຖະແຫຼງການສະບັບໜຶ່ງວ່າ: ຕອນຄ່ຳວັນທີ 13 ເມສານີ້ຕາມເວລາທ້ອງຖິ່ນ, ກອງທັບປະເທດຕົນໄດ້ຖິ້ມລະເບີດ GBU-43 ຫຼື"ມານດາຂອງລະເບີດທັງມວນ"ໃສ່ຖານໃຕ້ດິນຂອງກຸ່ມປະກອບອາວຸດ IS ຢູ່ເຂດອາຊິນແຂວງນານກາຮາປະເທດອັຟການິສະຖານ. ນີ້ແມ່ນຄັ້ງທຳອິດທີ່ກອງທັບອາເມລິກາໃຊ້ລະເບີດແບບນີ້ໃນການສູ້ຮົບ.
ຖະແຫຼງການຊີ້ໃຫ້ເຫັນວ່າ: ການໂຈມຕີທາງອາກາດຄັ້ງນີ້ກໍເພື່ອດັບສູນແລະທຳລາຍຖານທີ່ໝັ້ນແລະຜູ້ປະກອບອາວຸດ IS ເພື່ອຫຼຸດຜ່ອນໄພຂົ່ມຂູ່ຈາກການເຄື່ອນໄຫວທາງການທະຫານຕໍ່ກອງທັບອັຟການິສະຖານແລະອາເມລິກາ.
"ມານດາຂອງລະເບີດທັງມວນ"ດັ່ງກ່າວມີນ້ຳໜັກປະມານ 9,5 ໂຕນ, ບໍ່ແມ່ນອາວຸດນິວເຄລຍທີ່ຮ້າຍແຮງທີ່ສຸດທີ່ກອງທັບອາເມລິການຳໃຊ້ໃນການສູ້ຮົບ.