ທະນາຄານໂລກໄດ້ເຜີຍແຜ່ "ບົດລາຍງານເສດຖະກິດອາຊີຕາເວັນອອກແລະມະຫາສະໝຸດປາຊີຟິກ" ສະບັບຫຼ້າສຸດຢູ່ນະຄອນຫຼວງຮາໂນ້ຍປະເທດຫວຽດນາມໃນວັນທີ 13 ເມສານີ້, ໂດຍຄາດວ່າປີ 2017 ເສດຖະກິດຫວຽດນາມຈະເຕີບໂຕ 6,3%
ບົດລາຍງານລະບຸວ່າ, ໄລຍະກາງຂອງເສດຖະກິດຫວຽດນາມມີຄວາມສົດໃສດີ, ເນື່ອງຈາກຄວາມຕ້ອງການພາຍໃນທີ່ແຂງແຮງແລະຂະແໜງການຜະລິດເພື່ອການສົ່ງອອກທີ່ເຂັ້ມແຂງ, ຈາກນີ້ຈຶ່ງຈະເຮັດໃຫ້ເສດຖະກິດຫວຽດນາມເຕີບໂຕຢ່າງວ່ອງໄວໃນປີ 2017 ຫາປີ 2019, ຂະນະທີ່ອັດຕາເງິນເຟີ້ຈະຮັກສາຢູ່ລະດັບປະມານ 4%. ບົດລາຍງານຍັງຊີ້ອອກວ່າ, ເສດຖະກິດຫວຽດນາມຍັງມີຄວາມສ່ຽງໃນໄລຍະຍາວ.
ທັງນີ້ທະນາຄານພັດທະນາອາຊີໄດ້ເຜີຍແຜ່ບົດລາຍງານໃນຕົ້ນເດືອນເມສາ, ໂດຍຄາດວ່າເສດຖະກິດຫວຽດນາມຈະເຕີບໂຕ 6,5% ໃນປີ 2017.