ຕາມຂ່າວສານຈີນ: ງານວາງສະແດງວັດທະນະທຳໃນງານເອັກສ໌ໂປຈີນ-ອາຊຽນ 2017 ໄດ້ຈັດຂຶ້ນຢູ່ເມືອງນານນິງ ສປ ຈີນແຕ່ວັນທີ 13-16 ເມສານີ້ ໂດຍມີວິສາຫະກິດຈາກອິນໂດເນເຊຍ, ລາວ, ໄທ ແລະປະເທດອື່ນໆໃນອາຊຽນ 90 ຫົວໜ່ວຍເຂົ້າຮ່ວມ.
ທ່ານ ເພີງກ່າງ ຫົວໜ້າພະແນກຖະແຫຼງຂ່າວ, ພິມຈຳໜ່າຍ, ວິທະຍຸ, ໂທລະພາບ ແລະຮູບເງົາເຂດກວາງຊີກ່າວວ່າ, ເຂດຕົນກຳລັງເພີ່ມທະວີການຮ່ວມມືກັບປະເທດໃນອາຊຽນໃນຂົງເຂດຖະແຫຼງຂ່າວ, ພິມຈຳໜ່າຍ, ວິທະຍຸ, ໂທລະພາບ ແລະຮູບເງົາຢ່າງໃກ້ຊິດຫຼາຍຂຶ້ນ, ຂະນະທີ່ຫວ່າງມໍ່ໆມານີ້, ກໍໄດ້ຮ່ວມມືກັນໃນຂົງເຂດວັດທະນະທຳ, ໂດຍສະເພາະໃນດ້ານຖະແຫຼງຂ່າວ, ພິມຈຳໜ່າຍ, ວິທະຍຸ, ໂທລະພາບ ແລະຮູບເງົານັ້ນ, ຈີນກັບກຳປູເຈຍແລະລາວ ກໍໄດ້ຮ່ວມມືສ້າງລາຍການໂທລະພາບ "ໂຮງລະຄອນຈີນ" ແລະໄດ້ອອກອອກາດ ແລະໄດ້ຮັບຄວາມນິຍົມຊົມຊອບຈາກຜູ້ຊົມອາຊຽນ.
ທ່ານ ໂມ້ຈື້ຕົ່ງ ຫົວໜ້າໜ່ວຍງານອຸດສາຫະກຳພະແນກວັດທະນະທຳເຂດກວາງຊີ ເຜີຍໃຫ້ຮູ້ວ່າ, ງານວາງສະແດງຮູບກາຕູນແລະເກມໃນງານເອກສ໌ໂປຈີນ-ອາຊຽນ 2017 ແລະ ງານຮູບກາຕູນແລະເກມຈີນ-ອາຊຽນຈະຈັດຂຶ້ນໃນເດືອນພຶດສະພາປີນີ້.