ປະເທດສິງກະໂປໄດ້ສ້າງຕັ້ງຂຶ້ນເມື່ອປີ 1965, ເຖິງວ່າປັດຈຸບັນ ຍອດມູນຄ່າຜະລິດຕະພັນພາຍໃນຫຼື GDP ສະເລ່ຍຕໍ່ຫົວຄົນຂອງສິງກະໂປໄດ້ກ້າວເຖິງລະດັບປະເທດທີ່ພັດທະນາແລ້ວກໍ່ຕາມ,ແຕ່ເນື່ອງຈາກເປັນປະເທດນ້ອຍທັງຂາດເຂີນຊັບພະຍາກອນ. ສະນັ້ນ, ເຖິງວ່າຈະເປັນຍຸກທີ່ມີຄວາມສະຫງົບສຸກແຕ່ປະເທດນີ້ກໍກະກຽມຢູ່ສະເໝີເພື່ອຮັບມືກັບອຸບາດທີ່ອາດຈະເກີດຂຶ້ນໂດຍໃຫ້ຄວາມສຳຄັນຫຼາຍຕໍ່ການສຶກສາຄວາມໝັ້ນຄົງແຫ່ງຊາດ.
ຂ່າວແຈ້ງວ່າ: ການສຶກສາຄວາມໝັ້ນຄົງແຫ່ງຊາດຂອງສິງກະໂປສ່ວນຫຼາຍຈະເນັ້ນການທະຫານປ້ອງກັນປະເທດ,ຄວາມປອດດອງຊາດກໍຄືການນຳໃຊ້ຊັບພະຍາກອນຢ່າງມີປະສິດທິຜົນເປັນຕົ້ນ. ນອກນີ້, ລັດຖະບານສິງກະໂປໄດ້ກຳນົດເອົາວັນທີ 15 ກຸມພາຂອງແຕ່ລະປີເປັນ "ວັນປ້ອງກັນຮອບດ້ານ" ໂດຍຫວັງຜ່ານການຕັ້ງວັນດັ່ງກ່າວເພີ່ມທະວີການປູກຈິດສຳນຶກກ່ຽວກັບຄວາມໝັ້ນຄົງແຫ່ງຊາດໃຫ້ແກ່ປະຊາຊົນປະເທດຕົນ.
ການປ້ອງກັນຮອບດ້ານຂອງສິງກະໂປລວມທັງ 5 ດ້ານ, ຄື: ການປ້ອງກັນທາງການທະຫານ,ການປ້ອງກັນທາງແຜ່ງ,ການປ້ອງກັນທາງສັງຄົມ,ການປ້ອງກັນທາງເສດຖະກິດແລະການປ້ອງກັນທາງຈິດໃຈ.
 |
