ວັນທີ 15 ເມສານີ້, ສະຖານກົງສຸນໃຫຍ່ຈີນປະຈຳເມືອງອິສຕັນບຸນຂອງຕວກກີກ່າວຄຳເຕືອນດ້ານຄວາມປອດໄພອີກເທື່ອໜຶ່ງ, ໂດຍໃຫ້ຊາວຈີນຢູ່ຕວກກີລະວັງຄວາມປອດໄພຂອງຕົນໃນໄລຍະກ່ອນແລະຫຼັງການລົງປະຊາມະຕິກ່ຽວກັບການດັດແກ້ລັດຖະທຳມະນູນ, ຍົກສູງສະຕິລະວັງຕົວດ້ານຄວາມປອດໄພ.
ຄຳເຕືອນແຈ້ງໃຫ້ຊາບວ່າ, ຕວກກີຈະຈັດການລົງປະຊາມະຕິກ່ຽວກັບການດັດແກ້ລັດຖະທຳມະນູນໃນວັນທີ 16 ເມສານີ້, ປັດຈຸບັນນີ້, ສະພາບຄວາມສະຫງົບຂອງສັງຄົມຕວກກີມີຄວາມອ່ອນໄຫວແລະສັບສົນ.
ສະຖານກົງສຸນໃຫຍ່ເຕືອນໃຫ້ຊາວຈີນແລະຈີນຕ່າງດ້າວ, ພະນັກງານວິສາຫະກິດທີ່ລົງທຶນໂດຍຈີນ, ນັກສຶກສາຈີນແລະນັກທ່ອງທ່ຽວຈີນທີ່ຢູ່ຕວກກີຈົ່ງຕິດຕາມສະຖານະການຄວາມປອດໄພຂອງສັງຄົມຕວກກີຢ່າງໃກ້ຊິດ, ຍົກສູງສະຕິລະວັງຕົວຢ່າງແທ້ຈິງກ່ອນແລະຫຼັງຈັດການລົງປະຊາມະຕິກ່ຽວກັບການດັດແກ້ລັດຖະທຳມະນູນ, ພະຍາຍາມເດີນທາງເປັນກຸ່ມແລະຫຼີກເວັ້ນບໍ່ອອກໄປໃນກາງຄືນ, ໄປຫຼືໃກ້ເຂົ້າສະຖານທີ່ມີຄົນຫຼາຍດ້ວຍຄວາມຢ່າງໃກ້ເຂົ້າກຸ່ມກັບການລະມັດລະວັງ.
ເນື່ອງຈາກວ່າສະຖານະການການເມືອງແລະຄວາມໝັ້ນຄົງຂອງຕວກກີມີຄວາມວຸ້ນວາຍໃນປີຜ່ານມາ, ສະຖານທູດແລະສະຖານກົງສຸນໃຫຍ່ຈີນປະຈຳຕວກກີໄດ້ກ່າວຄຳເຕືອນດ້ານຄວາມປອດໄພຫຼາຍເທື່ອແລ້ວ.