ເຈົ້າໜ້າທີ່ຕຳຫຼວດເບຣຊິນຢືນຢັນໃນວັນທີ 16 ເມສານີ້ວ່າ: 63 ຄົນຈະຖືກກ່າວຟ້ອງຍ້ອນກ່ຽວຂ້ອງກັບຜະລິດຕະພັນຊີ້ນທີ່ເສຍຄຸນນະພາບ ເຊິ່ງຖືກສື່ມວນຊົນເປີດເຜີຍຂ່າວໃນເດືອນແລ້ວນີ້.
63 ຄົນດັ່ງກ່າວລວມເອົາ ຜູ້ຮັບຜິດຊອບທີ່ກ່ຽວຂ້ອງຂອງບໍລິສັດຜະລິດຊີ້ນ ແລະເຈົ້າໜ້າທີ່ຊີ້ນຳວຽກກວດຄຸນນະພາບບາງຄົນໃນເລື່ອງດັ່ງກ່າວ ແລະຖືກກ່າວຟ້ອງໃນຂໍ້ຫາຕ່າງໆເປັນຕົ້ນການໃຫ້ສິນບົນ, ການກິນສິນບົນ, ການລະເຫຼີງໜ້າທີ່, ການນຳໃຊ້ເງິນຫຼວງໄປທາງບໍ່ຖືກຕ້ອງ, ການປອມແປງໃບຢັ້ງຢືນຄຸນນະພາບ, ການຄ້າຂາຍອາຫານເສຍຄຸນນະພາບ, ການທຳລາຍຄວາມເປັນລະບຽບຮຽບຮ້ອຍຂອງເສດຖະກິດ ແລະອື່ນໆ.
ເຈົ້າໜ້າທີ່ຕຳຫຼວດເບຣຊິນປະກາດໃນວັນທີ 17 ມີນາຜ່ານມາວ່າ ປະເທດຕົນມີຫຼາຍບໍລິສັດຖືກຢືນຢັນວ່າໄດ້ຈຳໜ່າຍອາຫານປະເພດຊີ້ນເສຍຄຸນນະພາບ ທັງຢືນຢັນວ່າ ເຈົ້າໜ້າທີ່ຂະແໜງກະສິກຳຂອງຫຼາຍທ້ອງຖິ່ນໄດ້ຮັບສິນບົນແລ້ວປ່ອຍໃຫ້ຜະລິດຕະພັນຊີ້ນເສຍຄຸນນະພາບນັ້ນເຂົ້າຕະຫຼາດ ເຊິ່ງເຫດດັ່ງກ່າວເຮັດໃຫ້ຫຼາຍປະເທດ ແລະເຂດແຄວ້ນຢຸດການນຳເຂົ້າຜະລິດຕະພັນຊີ້ນຂອງເບຣຊິນ.
 |
