ກອງປະຊຸມຄະນະກຳມະການຊີ້ນຳການຮ່ວມມືລະຫວ່າງຈີນ-ຫວຽດນາມຄັ້ງທີ 10 ໄດ້ຈັດຂຶ້ນຢູ່ນະຄອນຫຼວງປັກກິ່ງຂອງຈີນໃນວັນທີ 17 ເມສານີ້. ທ່ານ ຢາງເຈສື້ ທີ່ປຶກສາແຫ່ງລັດຈີນ ແລະ ທ່ານ ຟາມບິງມິງ ຮອງນາຍົກລັດຖະມົນຕີທັງເປັນລັດຖະມົນຕີກະຊວງການຕ່າງປະເທດຈີນໄດ້ຮ່ວມກັນເປັນເຈົ້າພາບກອງປະຊຸມ.
ໂດຍສອງຝ່າຍໄດ້ຕີລາຄາຢ່າງຕັ້ງໜ້າຕໍ່ຄະນະກຳມະການຊີ້ນຳການຮ່ວມມືທີ່ໄດ້ເສີມຂະຫຍາຍບົດບາດທີ່ສຳຄັນໃນການຂະຫຍາຍສາຍພົວພັນລະຫວ່າງສອງຝ່າຍນັບແຕ່ສ້າງຕັ້ງຂຶ້ນເປັນເວລາ 10 ປີຜ່ານມາ. ພ້ອມທັງເຫັນດີຈະຈັດຕັ້ງປະຕິບັດຄວາມຮັບຮູ້ຢ່າງເປັນເອກະພາບຂອງຜູ້ນຳພັກ-ລັດຂອງສອງປະເທດຢ່າງຕັ້ງໜ້າ,ຖືການລົງເລິກການໄປມາຫາສູ່ກັນລະຫວ່າງການນຳຂັ້ນສູງເປັນຫຼັກ,ປະສານສົມທົບກັນແລະວາງແຜນ ງານປະຈຳປີ 2017, ສຸມໃສ່ຊຸກຍູ້ການຮ່ວມກັນສ້າງ "ໜຶ່ງແລວທາງໜຶ່ງເສັ້ນທາງ" ແລະ "ສອງແລວທາງແລະໜຶ່ງຂອບເຂດ", ການຮ່ວມມືໃນຂົງເຂດຕ່າງໆເຊັ່ນ: ການລົງທຶນ,ຄວາມສາມາດດ້ານການຜະລິດ,ພື້ນຖານໂຄງລ່າງ ແລະ ເຂດຮ່ວມມືເສດຖະກິດຂ້າມຊາດເປັນຕົ້ນ, ສືບຕໍ່ເພີ່ມທະວີການແລກປ່ຽນດ້ານວັດທະນະທຳລະຫວ່າງສອງຝ່າຍ,ແກ້ໄຂແລະຄວບຄຸມຄວາມຂັດແຍ້ງກັນ,ປົກປັກຮັກສາສັນຕິພາບແລະສະຖຽນລະພາບທາງທະເລ,ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດໃຫ້ຂະຫຍາຍຕົວໄປໜ້າຢ່າງຕໍ່ເນື່ອງແລະປອດໃສ.
ຫຼັງກອງປະຊຸມ,ສອງຝ່າຍຍັງໄດ້ຮ່ວມກັນເຂົ້າຮ່ວມພິທີລົງນາມບົດບັນທຶກຄວາມເຂົ້າໃຈຂອງກອງປະຊຸມ.