ເວັບໄຊອົງການສະຖິຕິແຫ່ງຊາດຈີນໄດ້ໃຫ້ຮູ້ວ່າ: ຕາມການຄິດໄລ່ເບື້ອງຕົ້ນ, ລວມຍອດຜະລິດຕະພັນພາຍໃນປະເທດຫຼື GDP ໃນໄຕມາດທຳອິດຂອງປີນີ້ໄດ້ບັນລຸເຖິງ18068,3 ຕື້ຢວນ, ຕາມການຄິດໄລ່ລາຄາທີ່ສາມາດປຽບທຽບໄດ້ ໄດ້ເພີ່ມຂຶ້ນ 6,9% ເມື່ອທຽບໃສ່ໄລຍະດຽວກັນຂອງປີກາຍ, ເຊິ່ງຄວາມໄວຂອງການເຕີບໂຕໄດ້ສ້າງສະຖິຕິໃໝ່ໃນ 1 ປີເຄິ່ງຜ່ານມາ.
ອົງການສະຖິຕິແຫ່ງຊາດຈີນຊີ້ໃຫ້ເຫັນວ່າ: ໃນປີ 2017 ຜ່ານມາເສດຖະກິດຈີນໄດ້ພັດທະນາໄປຕາມທິດທ່າອ່ຽງແຫ່ງການພັດທະນາທີ່ດີ ແລະໄດ້ຮັບຄວາມຄືບໜ້າຢ່າງໝັ້ນທ່ຽງ 6 ເດືອນທ້າຍປີ 2016 ເປັນຕົ້ນມາ, ໄດ້ບັນລຸການເລີ່ມຕົ້ນໃໝ່ທີ່ດີ ພ້ອມທັງໄດ້ສ້າງພື້ນຖານອັນໜັກແໜ້ນໃຫ້ແກ່ການບັນລຸເປົ້າໝາຍການຄາດຄະເນລ່ວງໜ້າການພັດທະນາໃນໝົດປີນີ້.
ເບິ່ງຕາມຂະແໜງການແລ້ວ, ມູນຄ່າຂອງຂະແໜງການທີໜຶ່ງໃນໄຕມາດທຳອິດປີນີ້ໄດ້ເພີ່ມຂຶ້ນ 865,4 ຕື້ຢວນ, ເພີ່ມຂຶ້ນ 3,0% ເມື່ອທຽບໃສ່ໄລຍະດຽວກັນຂອງປີກາຍ; ມູນຄ່າຂອງຂະແໜງການທີສອງໄດ້ເພີ່ມຂຶ້ນ 7000,5 ຕື້ຢວນ, ເພີ່ມຂຶ້ນ 6,4% ແລະ ມູນຄ່າຂອງຂະແໜງການທີສາມໄດ້ເພີ່ມຂຶ້ນ 10202,4 ຕື້ຢວນ, ເພີ່ມຂຶ້ນ 7,7% .