ວັນທີ 17 ເມສານີ້, ທ່ານ ເຊັນ ສປາຍເຊີ ໂຄສົກທຳນຽບຂາວອາເມລິກາໄດ້ກ່າວຢ້ຳວ່າ: ນັບແຕ່ທ່ານ ໂດນັນ ທຣຳ ປະທານາທິບໍດີອາເມລິກາຂຶ້ນດຳລົງຕຳແໜ່ງເປັນຕົ້ນມາ, ຈີນບໍ່ໄດ້ຄວບຄຸມອັດຕາແລກປ່ຽນເງິນຕາແຕ່ປະການໃດ.
ຂະນະດຽວກັນ, ທ່ານກໍຊີ້ໃຫ້ເຫັນວ່າ: ຫວ່າງມໍ່ໆມານີ້, ທ່ານ ໂດນັນ ທຣຳ ໄດ້ກ່າວທາງຫວິດເຕີຢ່າງຈະແຈ້ງວ່າ: ປັດຈຸບັນ, ການກ່າວຫາວ່າຈີນເປັນ "ປະເທດຄວບຄຸມອັດຕາແລກປ່ຽນເງິນຕາ" ບໍ່ແມ່ນການກະທຳທີ່ສຸຂຸມຮອບຄອບ.
ກ່ອນໜ້ານີ້, ທ່ານ ໂດນັນ ທຣຳ ກໍໄດ້ກ່າວຂະນະທີ່ໃຫ້ສຳພາດຕໍ່ນັກຂ່າວໜັງສືພິມເດີວອນສະທຣິດລາຍວັນ "The Wall Street Journal" ຢ່າງຈະແຈ້ງວ່າ: ຈີນບໍ່ແມ່ນ "ປະເທດຄວບຄຸມອັດຕາແລກປ່ຽນເງິນຕາ" ເຊິ່ງຕົນກໍໄດ້ປ່ຽນແປງຫຼັກໝັ້ນຕໍ່ບັນຫາດັ່ງກ່າວຂະນະຫາສຽງເລືອກຕັ້ງປະທານາທິບໍດີ.ຂະນະທີ່ຜົນການຄົ້ນຄວ້າຂອງອົງການກອງທຶນເງິນຕາສາກົນຫຼື IMF, ສະຖາບັນຄົ້ນຄວ້າເສດຖະກິດສາກົນປີເຕີເຊິນຫຼື PIIE ແລະອົງການອື່ນໆລ້ວນແຕ່ໄດ້ສະແດງໃຫ້ເຫັນວ່າ: 2 ປີຜ່ານມາ, ຈີນບໍ່ໄດ້ຄວບຄຸມອັດຕາແລກປ່ຽນເງິນຕາແຕ່ຢ່າງໃດ,ການກ່າວຫາຈີນຕໍ່ບັນຫາດັ່ງກ່າວຈຶ່ງເປັນການຝືນຄວາມເປັນຈິງ.