ວັນທີ 17 ເມສານີ້ ຢູ່ນະຄອນຫຼວງປັກກິ່ງ, ທ່ານ ຢູເຈີ້ງເຊີ່ງ ປະທານສະພາປຶກສາການເມືອງປະຊາຊົນແຫ່ງຊາດຈີນໄດ້ພົບປະກັບທ່ານ ຟາມບິງມິງ ຮອງນາຍົກລັດຖະມົນຕີທັງເປັນລັດຖະມົນຕີກະຊວງການຕ່າງປະເທດຫວຽດນາມໃນໂອກາດເດີນທາງມາເຂົ້າຮ່ວມກອງປະຊຸມຄະນະກຳມະການຊີ້ນຳການຮ່ວມມືລະຫວ່າງຈີນ-ຫວຽດນາມຄັ້ງທີ 10 .
ທ່ານ ຢູເຈີ້ງເຊິ່ງ ກ່າວວ່າ: ສາຍພົວພັນລະຫວ່າງຈີນ-ຫວຽດນາມໄດ້ມີທ່າອ່ຽງພັດທະນາດີຂຶ້ນ ເຊິ່ງສອງຝ່າຍຄວນຮັດແໜ້ນການຮ່ວມມືແລະປະສານສົມທົບກັນ, ຈັດຕັ້ງປະຕິບັດຄວາມຮັບຮູ້ທີ່ເປັນເອກະພາບລະຫວ່າງການນຳຂັ້ນສູງຂອງສອງປະເທດໃຫ້ດີ, ກຳແໜ້ນທິດແຫ່ງການພັດທະນາສາຍພົວພັນລະຫວ່າງສອງຝ່າຍ, ເພີ່ມທະວີການຮ່ວມມືທີ່ແທ້ຈິງໃນຫຼາຍຂົງເຂດເຊັ່ນ: "ໜຶ່ງແລວທາງໜຶ່ງເສັ້ນທາງ", ຄວາມສາມາດການຜະລິດ, ຄົມມະນາຄົມ, ພື້ນຖານໂຄງລ່າງແລະອື່ນໆ, ຍົກລະດັບສາຍພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນ-ຫວຽດນາມກ້າວຂຶ້ນສູ່ລະດັບໃໝ່.
ທ່ານ ຟາມບິງມິງ ກ່າວວ່າ: ການພົວພັນກັບຈີນແມ່ນທິດທາງບຸລິມະສິດຂອງວຽກງານການຕ່າງປະເທດ ເຊິ່ງຫວຽດນາມຍິນດີເພີ່ມທະວີການແລກປ່ຽນແລະການຮ່ວມມືລະຫວ່າງສອງປະເທດໃນຂົງເຂດເສດຖະກິດການຄ້າ, ການລົງທຶນ, ວັດທະນະທຳເປັນຕົ້ນ, ຊຸກຍູ້ສາຍພົວພັນໄມຕີຈິດມິດຕະພາບແລະການຮ່ວມມືລະຫວ່າງສອງຝ່າຍໃຫ້ຂະຫຍາຍຕົວຢ່າງບໍ່ຢຸດຢັ້ງ.