ຕາມຂ່າວCRI: ວັນທີ 17 ເມສານີ້, ທ່ານ ທຽນຢູ້ຫຼົງ ຫົວໜ້າວິສະວະກອນກົມວິທະຍາສາດວິສະວະກຳປ້ອງກັນປະເທດ, ເລຂາທິການໃຫຍ່ກົມການບິນອະວະກາດແຫ່ງຊາດຈີນໄດ້ໃຫ້ຮູ້ວ່າ: ຈີນຈະສົ່ງຍານຊາງເອີ 5 ຂອງໂຄງການສຳຫຼວດດວງຈັນໃນທ້າຍປີນີ້ ເພື່ອເຮັດໜ້າທີ່ເກັບຕົວຢ່າງຈາກດວງຈັນກັບຄືນສູ່ໜ່ວຍໂລກໃຫ້ສຳເລັດເປັນຄັ້ງທຳອິດ.
ທ່ານ ທຽນຢູ້ຫຼົງ ກ່າວໃນການຖະແຫຼງຂ່າວໃນໂອກາດກຽມສະຫຼອງ "ວັນການບິນອະວະກາດຈີນ" ຢູ່ນະຄອນຫຼວງປັກກິ່ງວ່າ: ໜ້າທີ່ການສົ່ງຍານຊາງເອີ 5 ຈະດຳເນີນງານໂດຍຈະຫຼວດສົ່ງຍານຊາງເຈິ່ງ 5.
ຂ່າວແຈ້ງວ່າ: ການປະຕິບັດໜ້າທີ່ຄັ້ງນີ້ຫວັງບັນລຸ 4 ຄັ້ງທຳອິດນັບແຕ່ເລີ່ມດຳເນີນໂຄງການການບິນອະວະກາດຈີນເປັນຕົ້ນມາ ຄື: ເກັບຕົວຢ່າງຢູ່ພືນຜິວດວງຈັນເປັນຄັ້ງທຳອິດ; ບິນຂຶ້ນຈາກພື້ນຜິວດວງຈັນຄັ້ງທຳອິດ; ດຳເນີນການເຊື່ອມຕໍ່ກັນໂດຍອັດຕະໂນມັດຢູ່ວົງໂຄຈອນດວງຈັນທີ່ໄກ 3 ແສນ 8 ໝື່ນກິໂລແມັດເປັນຄັ້ງທຳອິດ; ເກັບດິນດວງຈັນກັບຄືນສູ່ໜ່ວຍໂລກດ້ວຍຄວາມໄວໃນຈັກກະວານທີສອງໃນລະດັບ 11,2 ກິໂລແມັດຕໍ່ວິນາທີເປັນຄັ້ງທຳອິດ.