ກະຊວງການຕ່າງປະເທດຟີລິບປີນກ່າວໃນວັນທີ 17 ເມສານີ້ວ່າ, ເຖິງວ່າເກີດເຫດການຍິງກັນເມື່ອກ່ອນໜ້ານີ້ບໍ່ດົນ, ແຕ່ກອງປະຊຸມການຄ້າອາຊຽນກໍຈະຈັດຂຶ້ນຢູ່ເກາະໂບໂຮນທາງພາກກາງຂອງປະເທດຕາມເດີມ.
ທ່ານໂບລິວາ ໂຄສົກະກະຊວງການຕ່າງປະເທດຟີລິບປີນກ່າວໃນວັນທີ 17 ເມສານີ້ວ່າ, ໃນວັນທີ 19 ຫາວັນທີ 21 ເມສານີ້, 10 ປະເທດສະມາຊິກອາຊຽນຈະເຂົ້າຮ່ວມກອງປະຊຸມຄະນະກຳມະການເຈລະຈາການຄ້າຂອງອະນຸສັນຍາການພົວພັນຄູ່ເສດຖະກິດຮອບດ້ານໃນພາກພື້ນ ຫຼື RCEP, ແລະແຕ່ລະປະເທດກໍໄດ້ຢືນຢັນວ່າຈະເຂົ້າຮ່ວມກອງປະຊຸມເທື່ອນີ້.
ທ່ານກ່າວຕື່ມວ່າ, ກອງປະຊຸມນີ້ຈັດຂຶ້ນໂດຍການເປັນປະທານຂອງກະຊວງອຸດສາຫະກຳການຄ້າຟີລິບປີນ, ແລະເພື່ອຮັບປະກັນຄວາມປອດໄພຂອງຄະນະຜູ້ແທນທີ່ເຂົ້າຮ່ວມກອງປະຊຸມຫຼາຍກວ່າ 200 ທ່ານນັ້ນ, ກໍໄດ້ມີມາດຕະການຢ່າງເຄັ່ງຄັດແລະເຈົ້າໜ້າທີ່ລັດຖະບານກໍສຸມທຸກຄວາມພະຍາຍາມຢ່າງຕໍ່ເນື່ອງເພື່ອຮັກສາຄວາມປອດໄພໃຫ້ແກ່ກອງປະຊຸມ.
 |
