ທ່ານນາງເທເຣຊາ ເມອອກມາປະກາດໃນວັນທີ 18 ເມສານີ້ວ່າ, ອັງກິດຈະຈັດການເລືອກຕັ້ງທົ່ວໄປລ່ວງໜ້າໃນວັນທີ 8 ມິຖຸນານີ້, ຫວັງໄດ້ລັດຖະບານຊຸດໃໝ່ເປັນຜູ້ຕາງໜ້າເຈລະຈາກັບສະຫະພາບເອີລົບໃນ "ການຖອນອອກຈາກອີຢູ" ໃຫ້ດີກວ່າເກົ່າ.
ນັກວິເຄາະເຫັນວ່າ, ທ່ານນາງເທເຣຊາ ເມ ທີ່ເຂົ້າແທນທ່ານຄາເມລອນ ອະດີດນາຍົກລັດຖະມົນຕີອັງກິດທີ່ລາອອກຈາກຕຳແໜ່ງຫຼັງລົງປະຊາມະຕິ "ຖອນອອກຈາກອີຢູ" ໃນປີຜ່ານມານັ້ນບໍ່ໄດ້ຜ່ານການເລືອກຕັ້ງ. ດັ່ງນັ້ນຈຶ່ງໄດ້ຕົກລົງເລືອກຕັ້ງທົ່ວໄປເພື່ອໄດ້ຮັບ "ສິດ" ຈາກປະຊາຊົນອັງກິດຢ່າງເປັນທາງການ.
ວັນທີ 10 ເມສານີ້, ທ່ານນາງເທເຣຊາ ເມ ກ່າວປາໄສຢູ່ນອກສຳນັກງານນາຍົກລັດຖະມົນ ຕີວ່າ, ຂໍ້ຕົກລົງດັ່ງກ່າວກໍເພື່ອຮັກສາຜົນປະໂຫຍດຂອງອັງກິດໃຫ້ດີກວ່າເກົ່າແລະກ້າວໄປສູ່ການມີຄວາມໝັ້ນທ່ຽງ, ຄວາມເຊື່ອໝັ້ນແລະເປັນແກນນຳພາທີ່ເຂັ້ມແຂງ.
ຫາງສຽງຂອງຊາວອັງກິດເຫັນວ່າຂໍ້ຕົກລົງດັ່ງກ່າວຢູເໜືອຄວາມຄິດ, ຂະນະທີ່ກ່ອນໜ້ານີ້ທ່ານນາງເທເຣຊາ ເມເຄີຍກ່າວມາແລ້ວຫຼາຍເທື່ອວ່າ, ຈະບໍ່ຈັດການເລືອກຕັ້ງທົ່ວໄປລ່ວງໜ້າ.