ໂຄງການສາຍສົ່ງໄຟຟ້າແຮງສູງ 115 ກິໂລໂວນ "ພະນົມເປັນ-ປຣາວິດ ວົງສຸວັນ" ເຊິ່ງເປັນເຄືອຂ່າຍໄຟຟ້າແຫ່ງຊາດກຳປູເຈຍ ຢູ່ແຂວງໄປຣເວງ ທີ່ລັດຖະບານຈີນໃຫ້ເງິນກູ້ພິເສດນັ້ນ ໄດ້ເລີ່ມສະໜອງໄຟຟ້າຢ່າງເປັນທາງການແລ້ວໃນວັນທີ 19 ເມສານີ້ ໂດຍທ່ານສົງໂປ່ ເອກອັກຄະລັດຖະທູດຈີນປະຈຳກຳປູເຈຍ ແລະ ທ່ານຊຸຍເຊມ ລັດຖະມົນຕີກະຊວງພະລັງງານແລະບໍ່ແຮ່ກຳປູເຈຍຮ່ວມຕັດແຖບຜ້າເປີດນຳໃຊ້ໂຄງການດັ່ງກ່າວ.
ທ່ານຊຸຍເຊມ ລັດຖະມົນຕີກະຊວງພະລັງງານແລະບໍ່ແຮ່ກຳປູເຈຍ ກ່າວສະແດງຄວາມຂອບໃຈລັດຖະບານຈີນທີ່ຊ່ວຍກໍ່ສ້າງໂຄງການນີ້ ແລະສາມາດເຮັດໃຫ້ໂສມໜ້າໃນຂົງເຂດພະລັງງານຂອງປະເທດຕົນປ່ຽນແປງຢ່າງວ່ອງໄວ. ແນວໃດກໍດີ, ລັດຖະບານປະເທດຕົນພວມປະຕິບັດແຜນລວມພັດທະນາພະລັງງານໄຟຟ້າ, ຂະນະທີ່ໂຄງການສາຍສົ່ງໄຟຟ້າແຮງສູງ 115 ກິໂລໂວນ "ພະນົມເປັນ-ປຣາວິດ ວົງສຸວັນ" ກໍແມ່ນໜຶ່ງແຜນງານທີ່ນອນຢູ່ໃນແຜນລວມດັ່ງກ່າວ.
ໂຄງການດັ່ງກ່າວໄດ້ກວມເອົານະຄອນຫຼວງພະນົມເປັນ ແລະ ອີກ 3 ແຂວງ ຄື ກັນດາວ, ສະວາຍຣຽງ ແລະ ປຣາວິດ ວົງສຸວັນ ໂດຍມີປະຊາກອນເກືອບ 4 ລ້ານຄົນ ໄດ້ຮັບຜົນປະໂຫຍດແລະເປັນການປັບປຸງເຄືອຂ່າຍສະໜອງໄຟຟ້າຢູ່ເຂດພາກຕາເວັນອອກສຽງໃຕ້ກຳປູເຈຍໃຫ້ດີຂຶ້ນຢ່າງຫຼວງຫຼາຍ.
