ວັນທີ 19 ເມສານີ້, ສະມັດຊາໃຫຍ່ສະຫະປະຊາຊາດໄດ້ຮັບຮອງເອົາການແຕ່ງຕັ້ງທ່ານ ອາຊິມ ສເຕເນ ໃຫ້ດຳລົງຕຳແໜ່ງຫົວໜ້າໂຄງການສະຫະປະຊາຊາດເພື່ອການພັດທະນາຫຼື UNDP.
ທ່ານ ສເຕເນ ເກີດເມື່ອປີ 1961, ໃນໄລຍະແຕ່ປີ 2006 ຫາປີ 2016 ໄດ້ດຳລົງຕຳແໜ່ງຫົວໜ້າປະຕິດບັດງານໂຄງການສິ່ງແວດລ້ອມສະຫະປະຊາຊາດຫຼື UNEP, ຫຼັງຈາກນັ້ນໄດ້ດຳລົງຕຳແໜ່ງຢູ່ມະຫາວິທະຍາໄລອ໊ອກໂຟດ. ນອກຈາກນີ້, ຍັງເຄີຍດຳລົງຕຳແໜ່ງໃນອົງການທີ່ບໍ່ຂຶ້ນກັບລັດຖະບານແລະອົງການຈັດຕັ້ງສາກົນຫຼາຍແຫ່ງຂອງໂລກ.
ໂຄງການສະຫະປະຊາຊາດເພື່ອການພັດທະນາຫຼື UNDP ໄດ້ສ້າງຕັ້ງຂຶ້ນເມື່ອປີ 1965, ແມ່ນອົງການຊ່ວຍເຫຼືອລ້າຫຼາຍຝ່າຍທີ່ໃຫຍ່ທີ່ສຸດຢູ່ໃນລະບົບການພັດທະນາຂອງສະຫະປະຊາຊາດ ໂດຍມີອາຍຸການປະຕິບັດໜ້າທີ່ 4 ປີ ແລະໄດ້ຮັບການແຕ່ງຕັ້ງໂດຍເລຂາທິການໃຫຍ່ອົງການສະຫະປະຊາຊາດແລະຮັບຮອງໂດຍສະມັດຊາໃຫຍ່ສະຫະປະຊາຊາດ.