ຕາມຂ່າວCRI: ແຂວງຢຸນນານຕັ້ງຢູ່ພາກຕາເວັນຕົກສຽງໃຕ້ຂອງຈີນມີຊາຍແດນຕິດກັບມຽນມາ,ລາວແລະຫວຽດນາມ. ຢູ່ທີ່ນີ້ມີຊົນເຜົ່າສ່ວນໜ້ອຍ ຫຼາຍທີ່ສຸດໃນທົ່ວປະເທດ ເຊິ່ງຕາມຂໍ້ມູນທາງການ, ໃນທົ່ວປະເທດທີ່ມີ 56 ຊົນເຜົ່ານັ້ນ,ຊົນເຜົ່າສ່ວນໜ້ອຍທີ່ດຳລົງຊີວິດຢູ່ແຂວງຢຸນນານມີເຖິງ 26 ຊົນເຜົ່າ.
ແຂວງຢຸນນານໄດ້ຮັບຄວາມນິຍົມຈາກນັກທ່ອງທ່ຽວເປັນຈຳນວນຫຼາຍຍ້ອນດິນຟ້າອາກາດຄ້າຍຄືຕ່າງປະເທດແລະມີທິວທັດທຳມະຊາດທີ່ສວຍງາມ. ແນວໃດກໍດີ ຖ້າທ່ານມັກດື່ມຊາ, ຊາທີ່ທ່ານດື່ມກໍອາດຈະມາຈາກເຂດດັ່ງກ່າວ. ເມືອງຜູ້ເອີເຊິ່ງເມືອງນີ້ຫ່າງຈາກເມືອງຄຸນໝິງ ເທດສະບານແຂວງຢຸນນານ 500 ກິໂລແມັດນັ້ນຖືວ່າເປັນເມືອງທີ່ມີຕົ້ນຊາທີ່ຫາຍາກຫຼາຍຊະນິດ.
