ຕາມຂ່າວສານຊິນຮວາ: ຫ້ອງການໂຄງການການບິນອະວະກາດບັນທຸກຄົນຈີນເປີດເຜີຍວ່າ, ຫຼັງຄະນະຮັບຜິດຊອບຫ້ອງທົດລອງອະວະກາດໄດ້ຄົ້ນຄວ້າພິຈາລະນາແລ້ວຈິ່ງຕົກລົງຈະຍິງສົ່ງຍານອະວະກາດຂົນສົ່ງ "ຖ່ຽນໂຈວໜຶ່ງ" ໃນເວລາ 19 ໂມງ 41 ນາທີຂອງວັນທີ 20 ເມສານີ້.
ພາຍຫຼັງຍານອະວະກາດຂົນສົ່ງ "ຖ່ຽນໂຈວເລກໜຶ່ງ" ຂຶ້ນສູ່ອະວະກາດແລ້ວ ຈະໝູນໃນວົງໂຄຈອນທີ່ສູງເຖິງ 380 ກິໂລແມັດ ແລ້ວຈະເຊື່ອມຕໍ່ກັບຫ້ອງທົດລອງອະວະກາດ "ຖ່ຽນກຸ່ງເລກ" ທີ່ໝູນຢູ່ໃນວົງໂຄຈອນຢ່າງອັດຕະໂນມັດ.
"ຖ່ຽນໂຈວໜຶ່ງ" ມີໜ້າທີ່ຕົ້ນຕໍຄື ຂົນສົ່ງເຄື່ອງໄປໃຫ້ "ຖ່ຽນກຸ່ງສອງ" ໂດຍເຄື່ອງເຫຼົ່ານີ້ນອກຈາກຂົນສົ່ງອຸປະກອນຈຳເປັນຕ່າງໆເພື່ອການເຮັດໜ້າທີ່ຂອງ ຍານອະວະກາດ"ຖ່ຽນກຸ່ງສອງ"ແລ້ວ, ຍັງບັນທຸກອຸປະກອນທົດລອງອະວະກາດຕ່າງໆ ໄດ້ຫຼາຍກວ່າ 6 ໂຕນ.