ເວທີປຶກສາຫາລືຂັ້ນສູງປົກປ້ອງຊັບສິນທາງປັນຍາຈີນ 2017 ທີ່ຈັດຂຶ້ນໃນວັນທີ 20 ເມສານີ້ແຈ້ງໃຫ້ຊາບວ່າ: ປີ 2016 ຜ່ານມາ, ຍອດປະລິມານການຂໍຂຶ້ນສິດທິບັດປະດິດສ້າງຂອງຈີນບັນລຸເຖິງ 1 ລ້ານສະບັບ ແລະຈາກນີ້ຈິ່ງເຮັດໃຫ້ຈີນສືບຕໍ່ຄອງອັນດັບ 1 ຂອງໂລກ. ທ່ານນາງຫວາງປິ່ນຢິງ ຮອງຜູ້ອຳນວຍການໃຫຍ່ອົງການຊັບສິນທາງປັນຍາໂລກເປີດເຜີຍໃນເວທີປຶກສາຫາລືຄັ້ງນີ້ວ່າ: ປີ 2016 ຜ່ານມາ, ໃນບົດລາຍງານດັດຊະນີປະດິດສ້າງທົ່ວໂລກທີ່ເປີດເຜີຍໂດຍອົງການຊັບສິນທາງປັນຍາໂລກຊີ້ໃຫ້ເຫັນວ່າຈີນຢູ່ໃນອັນດັບຕົ້ນໃນການຈັດອັນດັບປະລິມານການຂໍຂຶ້ນສິດທິບັດປະດິດສ້າງ ເຊິ່ງເປັນການສ້າງສະຖິຕິໃໝ່ໃນປະຫວັດສາດ,ສ່ວນປະລິມານການຂໍຂຶ້ນລົງທະບຽນເຄື່ອງໝາຍສິນຄ້າຂອງຈີນໃນປີຜ່ານມາກໍບັນລຸເຖິງ 3 ລ້ານ 6 ແສນ 9 ໝື່ນສະບັບ ເຊິ່ງກວມເອົາ 1/3 ຂອງທົ່ວໂລກ ແລະສືບຕໍ່ຄອງອັນດັບ 1 ໃນໂລກເປັນ 14 ປີຕິດຕໍ່ກັນ.
ດັດຊະນີປະດິດສ້າງທົ່ວໂລກທີ່ເປີດເຜີບໂດຍອົງການຊັບສິນທາງປັນຍາໂລກສະແດງໃຫ້ເຫັນວ່າ ຈີນຢູ່ໃນອັນດັບ 25 ສົ່ງຜົນເຮັດໃຫ້ກາຍເປັນປະເທດທີ່ມີລາຍຮັບລະດັບປານກາງປະເທດທຳອິດທີ່ຂຶ້ນອັນດັບແຕ່ 1 – 25 ເຊິ່ງໄດ້ທຳລາຍສະຖິຕິທີ່ປະເທດທີ່ມີລາຍຮັບສູງຢູ່ແຖວໜ້າຂອງການຈັດອັນດັບດັດຊະນີດັ່ງກ່າວມາເປັນເວລາດົນນານ.