ພິທີເປີດຊຸດຝຶກອົບຮົມໃຫ້ແກ່ເຈົ້າໜ້າທີ່ກ່ຽວຂ້ອງຂອງບັນດາປະເທດລຽບຕາມ "ໜຶ່ງແລວທາງໜຶ່ງເສັ້ນທາງ"ເພື່ອຮັບມືກັບການປ່ຽນແປງດິນຟ້າອາກາດເຊິ່ງກົມຮັບມືການປ່ຽນແປງດິນຟ້າອາກາດຂອງຄະນະກຳມະການພັດທະນາແລະປະຕິຮູບແຫ່ງລັດຈີນເປັນເຈົ້າພາບນັ້ນໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 20 ເມສານີ້.
ທ່ານທຽນເສິງສວນ ພະນັກງານອາວຸໂສກົມການປ່ຽນແປງດິນຟ້າອາກາດຂອງຄະນະກຳມະການການພັດທະນາແລະປະຕິຮູບແຫ່ງລັດຈີນກ່າວໃນພິທີດັ່ງກ່າວວ່າ: ບັນຫາການປ່ຽນແປງດິນຟ້າອາກາດເປັນສິ່ງທ້າທາຍໃຫຍ່ທີ່ມວນມະນຸດຜະເຊີນທັງໃນການຄົງຕົວແລະການພັດທະນາໃນປັດຈຸບັນ ເຊິ່ງປະຊາຄົມໂລກຕ້ອງໄດ້ຮ່ວມມືກັນເພື່ອຮັບມືກັບສິ່ງທ້າທາຍດັ່ງກ່າວ. ສຳລັບບັນດາປະເທດທີ່ຢູ່ລຽບຕາມ "ໜຶ່ງແລວທາງໜຶ່ງເສັ້ນທາງ", ການຮັບມືກັບການປ່ຽນແປງດິນຟ້າອາກາດເປັນຫົວຂໍ້ທີ່ຕ້ອງໄດ້ປຶກສາຫາລືຮ່ວມກັນ ທັງເປັນເນື້ອໃນສຳຄັນໃນການຮ່ວມມືສາກົນ.
ຂ່າວແຈ້ງວ່າ: ຊຸດຝຶກອົບຮົມດັ່ງກ່າວຈະດຳເນີນເປັນເວລາ 2 ອາທິດໂດຍເຈົ້າໜ້າທີ່,ຊ່ຽວຊານດ້ານການປ່ຽນແປງດິນຟ້າອາກາດ 30 ທ່ານຈາກ 18 ປະເທດເປັນຕົ້ນ ລາວ,ສະຫະລັດອາຣັບເອມີເຣດ, ເອທີໂອປີ,ປາກິສະຖານ,ຟີລິບປິນ, ກຳປູເຈຍ, ມຽນມາ,ຕາຊີກິສຖານ,ໄທ,ກາຊັກສະຖານ,ມາເລເຊຍແລະປະເທດອື່ນໆເຂົ້າຮ່ວມ.
 |
