ທ່ານລູ້ຄ່າງ ໂຄສົກກະຊວງການຕ່າງປະເທດຈີນ ຖະແຫຼງໃນວັນທີ 20 ເມສານີ້ວ່າ ຈີນໝັ້ນໃຈຢ່າງເຕັມປ່ຽມທີ່ຈະສຳເລັດການຫາລືຮ່າງຂອບ "ກົດແຫ່ງການປະພຶດໃນທະເລຈີນໃຕ້" ພາຍໃນເວລາ 6 ເດືອນຕົ້ນຂອງປີນີ້.
ທ່ານລູ້ຄ່າງ ກ່າວວ່າ: ປັດຈຸບັນ, ຈີນແລະ 10 ປະເທດໃນອາຊຽນພວມສຸມໃສ່ຈັດຕັ້ງປະຕິບັດ "ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້" ຢ່າງຮອບດ້ານແລະມີປະສິດທິພາບ ທັງຊຸກຍູ້ການປຶກສາຫາລື "ກົດແຫ່ງການປະພຶດໃນທະເລຈີນໃຕ້" ແລະການຮ່ວມມືທີ່ແທ້ຈິງທາງທະເລໃນຂອບດັ່ງກ່າວ. ນັບແຕ່ປີນີ້ເປັນຕົ້ນມາ, ຝ່າຍຕ່າງໆໄດ້ປຶກສາຫາລືກັນສອງຮອບແລ້ວກ່ຽວກັບຮ່າງຂອບ "ກົດແຫ່ງການປະພຶດໃນທະເລຈີນໃຕ້" ດ້ວຍທ່າທີທີ່ຕິດແທດຕົວຈິງແລະມີລັກສະນະສ້າງສັນ ແລະຄືບໜ້າເປັນຢ່າງດີ. ແນວໃດກໍດີ, ຈີນກໍໝັ້ນໃຈຢ່າງເຕັມປ່ຽມທີ່ຈະສຳເລັດການຫາລືຮ່າງຂອບ "ກົດແຫ່ງການປະພຶດໃນທະເລຈີນໃຕ້" ພາຍໃນເວລາ 6 ເດືອນຕົ້ນຂອງປີນີ້.
ທ່ານລູ້ຄ່າງ ກ່າວຕື່ມວ່າ: ໃນຕໍ່ໜ້າ, ຈີນກໍຍິນດີສືບຕໍ່ພະຍາຍາມຮ່ວມກັບປະເທດອາຊຽນ ລວມທັງຟິລິບປິນ ຊຸກຍູ້ຈັດຕັ້ງປະຕິບັດ "ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້" ຢ່າງຮອບດ້ານແລະມີປະສິດທິພາບຕື່ມອີກ ເພື່ອບັນລຸ "ກົດແຫ່ງການປະພຶດໃນທະເລຈີນໃຕ້" ໂດຍໄວ ບົນພື້ນຖານການປຶກສາຫາລືກັນຢ່າງເປັນເອກະພາບ.
