ອົງການປະຊາຊົນຕ້ານລະບົບ THAAT ສ.ເກົາຫຼີ ຢືນຢັນໃນວັນທີ 20 ເມສານີ້ວ່າ: ໃນວັນດັ່ງກ່າວ, ປະຊາຊົນຢູ່ໃກ້ບໍລິເວນຕິດຕັ້ງລະບົບ THAAT ແລະ ນັກສັນຕິພາບ ໄດ້ສະກັດກັ້ນບໍ່ໃຫ້ລົດໂຄງການເຂົ້າໄປໃນບໍລິເວນດັ່ງກ່າວ ແລະໄດ້ເກີດການປະທະກັບເຈົ້າໜ້າທີ່ຕຳຫຼວດ ສົ່ງຜົນເຮັດໃຫ້ 2 ຄົນບາດເຈັບ.
ເຈົ້າໜ້າທີ່ຕຳຫຼວດ ນັບຮ້ອຍຄົນໄດ້ເຂົ້າໄປປ້ອງກັນຢູ່ສະຖານທີ່ດັ່ງກ່າວ ສົ່ງຜົນເຮັດໃຫ້ ລົດບັນທຸກສາມາດເຂົ້າໄປໃນບໍລິເວນຕິດຕັ້ງລະບົບ THAAT ສຳເລັດ. ຂະນະທີ່ຕຳຫຼວດປະທະກັບຜູ້ປະທ້ວງຢູ່ສະຖານທີ່ນັ້ນ ໄດ້ເຮັດໃຫ້ປະຊາຊົນ 2 ຄົນບາດເຈັບ ໃນນີ້ມີ 1 ຄົນຖືກສົ່ງໄປປິ່ນປົວຢູ່ໂຮງໝໍທີ່ຢູ່ໃກ້ຄຽງ. ມາເຖິງຕອນທ່ຽງວັນດັ່ງກ່າວ, ເຖິງວ່າຕຳຫຼວດຫວັງຈະປົກປ້ອງອຸປະກອນອື່ນໆເຂົ້າໄປອີກ, ແຕ່ກໍຈຳເປັນຕ້ອງຢຸດຫຼັງຖືກປະຊາຊົນສະກັດກັ້ນ.
ອົງການຊາວເມືອງທ້ອງຖິ່ນໄດ້ອອກຖະແຫຼງການວ່າ: ເມື່ອເວົ້າເຖິງທາດແທ້ແລ້ວ, ການຕິດຕັ້ງລະບົບ THAAT ເປັນການກະທຳບໍ່ມີຜົນແຕ່ຢ່າງໃດ ທັງເປັນການລະເມີດກົດໝາຍ ແລະລັດຖະທຳມະນູນຕື່ມອີກ.
