ອົງການ "ໄປຄຳນັບຫໍໄຫວ້ຢາຊູຄູນີນຳກັນ" ທີ່ປະກອບດ້ວຍສະມາຊິກລັດຖະສະພາສັງກັດພັກຝ່າຍຕ່າງໆຂອງຍີ່ປຸ່ນ ປະມານ 90 ຄົນ ໄດ້ໄປຄຳນັບຫໍໄຫວ້ຢາຊູຄູນີທີ່ເປັນບ່ອນຕັ້ງປ້າຍຊື່ອາຊະຍາກອນສົງຄາມຊັ້ນ 1 ຂອງຍີ່ປຸ່ນໃນສະໄໝສົງຄາມໂລກຄັ້ງທີ 2 ໃນຕອນເຊົ້າວັນທີ 21 ເມສານີ້.
ປັດຈຸບັນ ຫໍໄຫວ້ຢາຊູຄູນີພວມຢູ່ໃນໄລຍະບວງສວງລະດູບານໃໝ່, ຂະນະທີ່ທ່ານຊິນໂຈ ອາເບະ ກໍໄດ້ມອບເຄື່ອງເຊັ່ນໄຫວ້ທີ່ຊື່ວ່າ "ມາຊາກາກິ" ໃຫ້ແກ່ຫໍໄຫວ້ຢາຊູຄູນີ ໃນນາມນາຍົກລັດຖະມົນຕີ.
ໃນຫໍໄຫວ້ດັ່ງກ່າວໄດ້ຕັ້ງປ້າຍຊື່ອາຊະຍາກອນສົງຄາມຊັ້ນ 1 ຂອງຍີ່ປຸ່ນໃນສະໄໝສົງຄາມໂລກຄັ້ງທີສອງ 14 ຄົນ ລວມທັງຮີເດກິ ໂຕຈີໂອະ ແລະນັບວ່າເປັນເວລາດົນນານມາແລ້ວທີ່ນັກການເມືອງ ແລະ ສະມາຊິກລັດຖະສະພາຍີ່ປຸ່ນຈຳນວນໜຶ່ງໄດ້ຍຶດໝັ້ນໃນການໄປຄຳນັບຫໍໄຫວ້ຢາຊູຄູນີມາໂດຍຕະຫຼອດ ສົ່ງຜົນເຮັດໃຫ້ການພົວພັນລະຫວ່າງຍີ່ປຸ່ນ ແລະ ປະເທດໃນອາຊີ ເຊັ່ນ ຈີນ ແລະ ສ.ເກົາຫຼີ ເຄັ່ງຕຶງຂຶ້ນ.
