ຕາມຂ່າວສານຊິນຮວາ: ທ່ານນາງພອນຊະນົກ ອຳພັນ ໂຄສົກກະຊວງປ້ອງກັນປະເທດໄທເປີດເຜີຍໃນວັນທີ 19 ເມສານີ້ວ່າ, ລັດຖະບານໄທກຽມຈະຈັດສັນຖະໜົນເຍົາວະຣາດແລະຖະໜົນເຂົ້າສານໃຫ້ເປັນຖະໜົນອາຫານທີ່ເປັນລະບຽບຮຽບຮ້ອຍ.
ໂຄສົກທ່ານນີ້ກ່າວໃນພິທີຖະແຫຼງຂ່າວວ່າ, ພວກເຮົາອະນຸຍາດໃຫ້ເປີດຮ້ານແຄມທາງ, ແຕ່ເຈົ້າຂອງຮ້ານຕ້ອງເຫັນດີຕໍ່ລະບຽບການຕັ້ງຮ້ານ ລວມທັງມາດຕະຖານການຫຸ້ມຫໍ່ອາຫານ ແລະຫຼັກອະນາໄມທີ່ວາງອອກ, ຕົວຢ່າງ ການຈັດສັນຮ້ານຢູ່ຖະໜົນເຍົາວະຣາດຈະເປັນແບບຈີນ, ສ່ວນຢູ່ຖະໜົນເຂົ້າສານຈະເປັນແບບໄທ ແລະບັນດາເຈົ້າຂອງຮ້ານຈະຕ້ອງຜ່ານການຝຶກອົບຮົມ. ຖະໜົນເຍົາວະຣາດແລະຖະໜົນເຂົ້າສານເປັນຖະໜົນທີ່ມີຊື່ສຽງຂອງນະຄອນຫຼວງບາງກອກ ແລະຂຶ້ນຊື່ລືນາມຍ້ອນມີອາຫານແຊບແລະຂາຍຍ່ອຍ.
ແນໃດກໍດີ, ທົ່ວສັງຄົມໄທລ້ວນແຕ່ເຫັນແລະຄິດແຕກຕ່າງກັນກ່ຽວກັບຮ້ານແຄມທາງມາໂດຍຕະຫຼອດ.